Nimsi se Blog

Hoekom...

2012-01-30T22:07:00.002+02:00

... betaal ons nou skielik so duur vir brandstof en elektrisiteit?
... is die olieprys so hoog?
... is suiwelprodukte so duur?
... bly die kinders so siek en wil die antibiotika wat altyd so goed gewerk het nie meer werk nie?
... menstrueer dogtertjies op nege?
... het elke kind in die klas een of ander allergie?
... is die damme, riviere en oseane so vuil?
... vrek die visse in die see?
... reen dit nie soos wat dit altyd gereen het nie?
... al die tsoenami's en vloede?
... so hoe voorkoms van velkanker?
... verloor honderde duisende mense wereldwyd hulle werk?
... is Afrika n kontinent van honger, dood en siekte?

Gautrain...

2012-01-22T09:24:00.012+02:00

Was so bevooreg om in 2011 twee keer op die Gautrain te ry. Albei geleenthede moontlik gemaak deur my kinders. Die Centurion stasie n netjiese uiters moderne gebou.

Daar is 80km spoor en die trein roete is tussen Pretoria, Johannesburg en OR Thambo lughawe.

Die verkeer in Pretoria, na Johannesburg en die lughawe is soms regtig n nagmerrie en die trein n groot uitkoms vir mense op hierdie roete.

Die stasie self is baie goed georganiseerd, die aanwysingsborde duidelik sigbaar en leesbaar - oral goed ingeligte personeel indien daar onsekerheid sou wees. Die aankondigings duidelik hoorbaar en elektroniese flitsborde op al die peronne.
Kaartjies word by elektroniese masjiene gekoop. Dit gaan vinnig en flink. Geen lang uitgerekte toue wat wag. By die deurganhekke druk jy eenvoudig jou kaartjie voor die ogie en jy stap deur.

Roete aanwysings en opklim peronne duidelik aangewys, so verdwaal op die stasie is byna onmoontlik. Die peronne ook baie veilig want daar is n duidelike geelstreep geverf en geen passasier mag oor die streep stap alvorens die trein op die perron gestop het nie.

Die binnekant van die trein en alle stasie geboue is pragtig skoon en daar is ook groot boetes vir enige persoon wat sou rommel strooi of eet op die trein en stasiegeboue. Badkamers luuks en n plesier om te gebruik.

Die spoed waarmee die trein ry is regtig n belewenis... 19minute van Centurion tot in Santon... 4minute van Centurion tot in die stad!

Daar is ook n wye busroete beskikbaar met duidelike opklim en afklim haltes.

Die busse loop n groot gebied rondom die verskeie stasies.

Die Gautrein was vir my en Willie n heerlike belewenis, so ook die busrit van die stasie tot in die stad.

Vrae...

2012-01-20T21:32:00.003+02:00

Albert Einsten het gese dit is belangrik om aanhoudend vrae te vra sodat ons begrip kan he vir die wonder van die misterie van die lewe. En al verstaan ons nie die antwoorde nie, om nie bang te wees om steeds te vra en te leer nie.

Ons hou vas aan die bekendheid waarmee ons onsself omring, ons vergeet om van elke dag n leerervaring te maak, daarom raak ons mettertyd vasgevang in die allerdaagse, die gewone, die roetine... Voor ons ons oe uitvee begin ons rusteloos en onvergenoegd voel.

Een ding wat ek my lewe lank doen is om vrae te vra... en so het ek vaardighede aangeleer waarmee ek myself, my talente en behoeftes gereeld toets, en as ek agterkom iets skort dwing ek myself om die grense van my geriefsone te verskuif sodat daar ruimte kan wees vir veranderings en nuwe geleenthede. En wat n ongelooflike reis is dit nie elke dag nie!

Iets om oor na te dink...

2012-01-17T16:40:00.001+02:00

Stories...

2012-01-15T06:48:00.002+02:00

Ek probeer vreeslik hard om terug te keer na my blog... tyd is nie altyd beskikbaar om hier by die rekenaar te kom sit en kuier nie. Die werk wat ek doen gaan oor tyd... ek werk teen tyd, vyf tot ses huise per dag - elkeen net n sekere tyd, want die klient betaal per uur. Net n sekere hoeveelheid tyd tussen kliente, die verkeer n nagmerrie - die klient vreeslik gesteld op sy tyd - moenie laat wees nie - moenie langer bly nie - moenie minder tyd spandeer as waarvoor die klient betaal nie. Ekself moet 7uur soggens by die kantoor wees om my admin werk te doen vir 10min, 7h15 moet ek die span meisies by die optelpunt kry - dan begin jou geveg teen die oggendverkeer om 8h00 by jou eerste klient te wees... Ek moet ook sorg dat die meisies nie te laat weer by die aflaaipunt kom nie want dan sukkel hulle weer om vervoer te kry huistoe. Ekself gaan dan weer terug kantoor toe om die voertuig te bere, enige kontantgelde inbetaal, kliente se huissleutels weer in die kluis toe te sluit - probleme, versoeke, en sommer net algemene klagtes te rapporteer. Ekself kom dan weer so om en by 18h00 by my huis - dan moet my eie huishouding gebeur... kosmaak, netjies maak, kombuis skoon kry, naweke spandeer ek en manlief Saterdae om ons eie nessie skoon te maak, wasgoed te was, inkopies te doen -- my kaste raak ook vol stof, my vensters moet ook gewas word, my klere gestryk word, my matte ook gestofsuig word... en intussen loop die tyd... Sondae probeer ons tyd maak vir mekaar, lekker rustig raak, die week se dinge met mekaar te bespreek ons probeer om Sondae glad nie op die horlosie te kyk nie...
Ek leer elke dag vreeslik baie by die vier meisies in my span, hulle werk baie baie hard maar het altyd n soort rustigheid aan hulle, is baie lief om te sing terwyl hulle werk, praat onnodig hard, lag lekker, en huil soms ook as die lewe druk, kom met min oor die weg... elkeen van hierdie vier meisies is STERK vroue. Werk hard om ook hulle gesinne aan die gang te hou...

By die kliente leer ek ook daagliks lesse, ek betree elkeen van hierdie mense se persoonlike ruimtes - sien en hoor baie dinge - huil saam met sommige van hulle, bid saam met sommige van hulle en lag saam met sommige van hulle...
Oom Maritz veg nou kolon kanker, hy is moedig en posetief, Mevrou X veg vir haar huwelik - die ander vrou eis meer en meer tyd van Mnr X... Die Y gesin veg saam met hulle tienerdogter die verslawing monster... Die Z gesin gaan maklik en vol geluk deur die lewe, vir hulle maak die terugslae in die lewe niks sleg nie, want hulle is gelukkig en tevrede... Ou Dominee en Tannie Minnaar bly die ewige postoriepaar, ( ek is baie lief vir hierdie twee ou mensies) Tannie Minnie wat elke week eers wil weet hoe gaan dit met Willie, hoe maak sy suiker. By elkeen van my kliente het ek opnuut weer geleer dat elkeen van ons maar net mens is, dat niemand gevrywaar is van die seer in die lewe nie. Jou bankbalans, titel of woonbuurt maak nie van jou wie jy is nie...
Jy is presies net dit wat jy kies om te wees!
Ek kon nie verstaan hoekom die Here hierdie werk vir my gegee het nie, en hoe hard ek ookal probeer het om ander werk te kry, het die een deur na die ander net toegegaan, en intussen het elkeen van hierdie kliente werklik in waarde tot my lewe toegevoeg... my geseen met soveel gesenke - nie net materiele goed nie, maar sielsgoed... ek het besef dat ek nie geld nodig het om goed en eerlik te lewe nie... dat ek nie nodig het om lelik met ander mense te wees om goed oor myself te voel nie...

My kind was baie baie goed vir ons die afgelope twee jaar, familie, vriende en vreemdelinge het hulle harte oopgemaak teenoor ons. Ons het ook geleer om tevrede te wees met wat ons het, nie te bekommer oor die dag van more nie want ons dien n Groot God wat ons nie een dag alleen gelos het nie. Dat ons elkeen hier op aarde is met n doel, dat elke dag sy eie dinge bring, of dit goed of sleg is hang uitsluitlik van jou as persoon af...
Dat n oog vir n oog en tand vir n tand nie altyd die oplossing is nie, dat draai die ander wang werklik werk...
Dat om minder as die volgende persoon te he nie sleg is nie, dat jy dan net dit wat jy het meer wardeer. Dat daar maar in elkeen van ons lewens n traan is ... dat elkeen van ons kosbaar en spesiaal is, dat ons nooit ons eie waarde mag onderskat nie! Dat ons tyd hier op aarde kosbaar is...

Nou vir eers genoeg geklets... tot ek weer tyd het om hier te kuier - God Bless!

In haar voetspore...

2012-01-08T17:50:00.002+02:00

Almal wat my redelik goed ken sal weet dat ek my lewe lank graag n Ester wou wees...
Ester beteken oggendster, en haar Hebreeuse naam Hadassa, is ook die naam van die mirteboom. As jy die blare of die vrug stukkend druk, word n aangename geur vrygestel...

As ek deur die lewe gedruk word, dink ek altyd aan Ester wat haar lewe gewaag het om die Jode te red... Ester was nie net fisiek n mooi vrou nie. Dit was juis haar innerlike wat die verskil gemaak het.

Ralph Waldo Emerson het ook gese: Ons kan die wereld vol reis om die skoonheid te vind - maar as ons dit nie binne-in onnself omdra nie, sal ons dit nerens anders kry nie.

Is jy ook soos Ester (die mirteboom) wat n aangename geur vrystel wanneer jy deur die lewe gedruk word?

Engele...

2012-01-07T12:28:00.002+02:00

As kind het ek ure gesit en kyk na die prentjies van Engele in ons ou groot kinderbybel... meeste van hulle groot, sterk mans met enorme vlerke... my verlustig in die verhale waar hierdie Goddelike wesens aan mense verskyn het, altyd so n lekker gevoel op my maag gekry oor al hulle goeie dade aan die arm, siek en eensame mense, en met n sug gebid... Liewe Jesus, stuur vir my ook asseblief n Engel...

Die afgelope twee jaar was moeilike tye vir my en manlief, maar in die swaar tyd het my pad met verskeie Engele gekruis... my Engele is nie net manlik nie en het ook nie vlerke nie, maar hulle is Engele in die ware sin van die woord.

Gewone mense wat jy straks nie eers sal raaksien as hulle in die straat by jou sal verbystap nie... Mense wat stilweg Liefde betoon, sonder ophef vir jou n brood of stukkie vleis sal gee, van die ander kant van die aarde af vir jou kruideniers by jou deur laat aflaai... splinternuwe meubels in jou sitkamer kom staanmaak, omdat jy joune moes verkoop om te oorleef, n medewerker wat stilweg vir jou n vleispasteitjie koop omdat sy agterkom dat jy nie broodjies werk toe bring nie... n blogvriendin wat n geldjie stuur vir brood en melk...

Liewe Jesus, baie dankie dat U my kinder droom om eendag n Engel te ontmoet laat waar word het!

Mense

2010-11-07T14:58:00.004+02:00

Ek word hoe langer hoe meer geboei deur mense.

Mense is n daaglikse avontuur - n Avontuur wat my daagliks meer verwonderd laat, nie alleen oor die liggaam wat jy kan sien en aanraak nie, maar veral oor die ondeurgrondelike misterie dat jy in so n wonderlike verpakking baie naby kan kom en tegelyketyd tog oneindig ver weg en onbereikbaar bly...

Natuurlik is daar die glansmense in die lewe deur wie jy moeiteloos kan sien en natuurlik is daar die gesigloses wat by jou verby haas asof hulle aangetrek word deur n geheimsinnige mag wat hulle geen rus meer laat nie. Dit is mense sonder geskiedenis, sonder diepte in hulle lewe. Van hulle begryp ek baie min, en tog ken ek van hulle en sou ek hulle nie kon ontbeer nie. Hulle is mense. Hulle het my nodig en ek het hulle nodig.

Mense met vraende oe en gespanne gesigte. Mense wat ly. Mense wat wanhopig is, wat verbitterd is tot in die murg van hulle gebeente. Mense wat nie meer in staat is om van enigiets in die lewe te geniet nie. Mense wat nie meer lewe nie, maar hulle bly deel van jou leefwereld.

En dan is daar die mense wat vir jou stof tot nadenke is. Mense wat vir jou blydskap bring, wat jou laat lag, mense wat bly is om jou te sien en dit ook vir jou se.
En die baie goeie eenvoudige mense met n verborge, onbegryplike rykdom in hulle harte...
WAT N FEES OM ONDER SULKE MENSE TE WEES!

Die Rose se les...

2010-10-17T07:29:00.002+02:00

Ek het n buurvrou gehad met n klein tuintjie wat sy liefderyk versorg het. Sy het besonder gehou van n paadjie wat met rankrose oordek was. Ek het haar op n slag geterg omdat ek haar altyd met n snoeisker in die hand aangetref het waar sy besig was om verwelkte blommetjies weg te knip.
Toe sien ek haar op n dag sonder die sker. "Wat is aan die gang?" vra ek haar toe. Sy het geglimlag: Jy behoort my te begryp, omdat dit eintlik jy is wat my laat insien het dat my jag op verwlkte blomme risiko's inhou.
Ek was al so behep daarmee dat ek omtrent net die verwelkte blomblare raakgesien het. Ek was so gefassineer deur die klein skoonheidsfoutjies dat die skoonheid van die geheel my skoon ontgaan het...

Net n vinnige hallo...

2010-09-19T09:41:00.003+02:00

Soos Sandra vanoggend se: besig is goed en ek stem volkome saam...
Ek is regtig baie besig en kom maar bitter min by my rekenaar uit, saans is dit kosmaak, kombuis opruim, broodjies vir die volgende dag regmaak, bad en bed want teen daardie tyd is ek moeg verby.

Dit gaan goed met die maatskappy waarvoor ek werk en my rooster is geweldig vol, ek wonder sommige aande hoe ek deur die dag gekom het en dit nog op tyd. Ons werk volgens n tyd-rooster want die klient betaal per uur.
Dan worstel ek nog tussen kliente met die stads verkeer en ander motoriste se ongeduld... stukkende verkeersligte wat in 4 rigting stoppe verander, en glo my bitter min mense weet wat om dan te doen!

So aan almal wat gewonder het waar ek is - dit gaan goed en besig.
Ek wardeer elkeen wat nog op my blog kom lees en kommentaar los al kom ek nie by julle uit nie ek vergeet julle nie...
Ek en Sandra loop mekaar so van tyd tot tyd op facebook raak en wissel n paar woorde...
Charmaine, dit gaan goed dankie vriendin, ek weet jy verstaan van kom nie by die blogs uit nie.
Cecile, baie dankie vir jou getroue kommentaar en ook jou begrip as ek nie altyd antwoord nie.
Sonja jou blog vra vir my n kode en ek het geen idee wat dit is nie, dankie vir die resepte wat jy gemail het ek het dit ontvang.
Miekie hoop dit gaan goed met jou vriendin.
Zee en ek kuier deesdae op facebook.
Muriel en ek het nog nie by die koffie drink uitgekom nie maar sal verseker nog, sy sal my net eendag in haar tuin raakloop.
Mariekie, meraaitjie ek mis jou vriendin.
Oom perus sien ek gereeld want hy is my man se ouboet, dit gaan goed met hom en skoonsus.
As ek iemand vergeet het vra ek verskoning, julle almal bly in my hart en gebede.

Hou my maar asseblief altyd ook in julle gebede - want soos my prentjie hierbo tereg se; keeping cool in the face of your most difficult customer is nie altyd maklik nie...

Tot ons weer gesels: God bless!

Ek glo...

2010-09-12T07:06:00.002+02:00

...aan die LIEFDE
Die geloof het ek nie van n predikant of teoloog ontvang nie, maar van die wonderlikste mens wat ek nog ontmoet het, my pa.
Ek glo in God soos n blinde aan die son glo,
nie omdat hy dit sien nie, maar omdat hy dit voel.
Ek beleef die misterie elke dag diep in myself en in alles wat my omring.
As ek n mens sien, al is dit n gebroke mens,
dan glo ek in n wese wat groter as die mens is...
Ek glo aan die inherente goedheid van die mens
soos ek glo
aan die lente wanneer ek die lentebloeisels sien.

Liefde...

2010-09-07T19:08:00.006+02:00

is in jou
as die lyding van ander
vir jou pynlik is,
as jy die honger van miljoene
in jou eie liggaam voel,
as die eensaamheid en
die angs,
die nood en die wanhoop
van die swakkes...
jou eie hart verskeur.

Gebed van n ouer.

2010-08-31T18:02:00.003+02:00

Ek is so moeg van wakker le en wroeg...
My hart is vol kommer oor my kinders se toekoms
Toe hulle klein was
Kon ek hulle teen my vasdruk as hulle seerkry
En pleisters plak en spoeg aansmeer
Todat hulle weer lag.

Nou is hulle groot en hulle seerkry is anders
Ek kan hulle nie meer vasdruk nie
Ek voel so magteloos
Ek kan niks meer vir hulle doen nie

Ek kan maar net vir hulle bid en hulle aan U opdra
GROOT KONDUKTEUR
Ek laat hulle vanaand op U trein
Neem hulle asseblief saam met U op reis

Laat my rustig aanvaar dat ek nie meer kan saamgaan
En neem sommer my bagasie van skuldgevoelens
Waaraan ek so swaar dra ook met U saam

Ek dank U dat U hulle eintlike Vader is, hulle Bloedpa
Dit, omdat U seun hulle met sy bloed gekoop het
Lig U hande seenend oor my kinders Here
En laat hulle opkyk na die hande wat hulle seen

Laat hulle hulle name onuitwisbaar sien in U handpalms
En laat U bloed wat daaruit vloei hulle reinig van alle -
Ja regtig alle sonde

Ek wuif vir hulle terwyl U met hulle verder
Op hulle lewensreis vertrek
Dankie tog Here, dat ek kan weet
U is hulle Redder - ek dank U daarvoor
AMEN

Dankie

2010-08-29T08:05:00.002+02:00

Wanneer groot en wonderlike dinge in my lewe gebeur, voel dit altyd vir my dat Dankie so n ou afskeep woordjie is...

Ek moes die afgelope tyd soveel keer dankie se:
Die jaar tot dusver was baie baie moeilik, maar ek wil graag vanoggend hier stilstaan en met julle deel die wonderwerke wat in my lewe plaasgevind het in hierdie swaar en soms donker tye...

Eerstens het ek nie regtig woorde om God se groot Genade aan ons betoon te beskryf nie. My klein woordeskat beskik nie oor groot genoeg woorde daarvoor nie.
Daarom kan ek net met groot nederigheid my hoof buig en met n opreg dankbare hart - Dankie Vader se!

Ek wil en kan regtig nie een persoon bo n ander hier uitsonder nie, want ons is deur die bank eerstens met LIEFDE bedien hierdie jaar. Want as jy nie Godelike Liefde het nie kan jy nie Genade aan iemand betoon nie... as jy oordeel is daar geen tyd om iemand lief te he nie...

Aan my Hemelse Vader: Dankie vir al die wonderlike mense wat U deel van ons lewe gemaak het.
Aan al die wonderlike mense wat my Hemelse Vader deel van my lewe gemaak het: Baie baie dankie.
Ek wardeer elkeen van julle en het julle opreg lief.

Dankie vir elke gebed.
Dankie vir elke finansiele bydrae.
Dankie vir elke omgee oproep, sms boodskap, e-pos, besoekie as jy in die dorp is.
Dankie vir die kruideniersware wat vir ons gekoop is.
Dankie vir die splinternuwe meubels voor my deur afgelaai.
Dankie vir opregte omgee liefde...

Dankie!

Hoe Hartseer...

2010-08-22T08:35:00.003+02:00

Sy was skatryk...
En sy wou dood wees.
n Tweede huis in Waterkloof, een in die Wildernis en n Bosveldplaas in Rustenburg.
En sy wou dood wees.
Sy het pille gedrink.
Die dokters kon haar red.
Sy het na my gevra - twee ure lank het ek geluister na haar verhaal, en ten slotte het sy gehuil:

"Ek sou alles prysgee, alles prysgee, as ek maar net n bietjie geneentheid en vriendskap kon ken."

Jy kan gelukkig wees in n hut met liefde en diep ongelukkig sonder liefde in die swiergiste villa, versier tot teen die plafon...

n Hut en n hart is al wat jy nodig het om gelukkig te wees.

GELD MAAK MENSE ARM!

Elke Tree

2010-08-09T08:19:00.003+02:00

Elke tree skets n verhaal.
Van waar ons was en waarheen ons wil gaan.
Soveel beloftes binne my.
Maar daars net Een wat regtig ewig bly!
Ons loop n pad van hartseer soms...
En as ons terugkyk weet ons wat dit kos.
Maar die lewe stop nie, dit gaan aan
Want ons maak staat op sy Naam!
Op hierdie vrouedag wens ek jou voorspoed met elke tree
Mag elke voetspoor duidelik uitroep...
Daar is n beter pad vir jou en my
n Pad van lig wat na sy troon lei...
Die lewe deel jou net een hand
En dis die Vader wat ons vuur laat brand
Verlore tog was ek en jy
maar terug na Hom is waar Sy liefde lei!

Geniet Vroue dag.

Salarisdief...

2010-08-07T07:36:00.002+02:00

Jy het my privaatheid ingedring deur my geld onwettig vir jouself te neem. Jy het op n skelm manier by my bankrekening ingebreek en my geld vir jou gevat.

Jy het my eerste salaris gesteel en in die proses my kos en vreugde van my af weggeneem!
Met jou optrede het jy probeer om ook van my n skurk te maak, want nes jy is ek nou desperaat en sonder geld... sien ek is die enigste een wat geld verdien na ons agt maande sonder n inkomste was!
As ek nou geld wil he sal ek dit ook van iemand moet steel... MAAR EK WEIER!

Ek bid elke aand vir jou siel sodat jy kan ophou steel en roof en dat die Here jou sal vergewe vir wat jy aan eerlike hardwerkende mense soos ek doen.
Ek is nie meer kwaad nie ek bid net dat jy nie meer skade met my eerlike verdiende geld sal aanrig as wat jy alreeds gedoen het nie.

Jy kan as jy wil!

2010-07-24T08:37:00.003+02:00

Hy is een van die ouer garde. Trek al n paar jaar in die sewentig. Een van daardie mense wat op n onderhoudende manier stories vertel " uit die ou dae" , sy verteltrant so boeiend dat jy vir ure kan sit en luister as hy op dreef is. n Man met n baie besondere sin vir humor wat tussen sy vriende bekend is daarvoor dat hy n staaltjie kan vertel soos min ander. Maar n man wat ook die ander kant van die lewe ken. Iemand wat weet waarom dit werklik gaan. n Man van integriteit, van durf en daad, van vasbyt en koershou en klaarmaak.

Hy't grootgeword in die jare van die groot droogte van 1933 en depressie wat daarop gevolg het. Sy pa was n boer wat bitter swaar gekry het om te voorsien in sy gesin se behoeftes.
Hy skuif so n bietjie vorentoe in sy stoel en kyk my waterpas in die oe, hierdie verfynde man wat dit ver gebring het in die lewe omdat hy die wil gehad het om te wen!... hierdie man wat geweier het om iewers in n obskure hoekie van die lewe te bly sit. " jy kan van my vertel daar op jou "blokkie" se hy toe ek hom daarna vra, maar jy mag nie my naam noem nie hoor - wat is ek dan nou anders as ander mense? ek het mos niks besonders gedoen nie".
Maar terwyl hy gesels, ontvou daar n verhaal van een van die merkwaardigste mense wat ek ooit in die lewe leer ken het. dis die verhaal van n hegte boeregesin in daardie swaarkry jare. Van n moeder wat haarself soggens afgesonder het om hardop tot die Here te bid vir hulp en leiding en krag vir die eise van elke dag. Van n Vader wat alles veil gehad het vir sy gesin en gedoen het wat hy menslik moontlik kon om die mas te probeer opkom. Ons het swaargekry... ons het twee pragtige karperde gehad, en my pa was so lief vir sy diere. Maar eendag het hy, sonder om iets te se, net dorp toe gery met die kar en perde en sonder hulle teruggekom op die plaas, want ons moes geld he om van te lewe.
Ek luister met aandag en soveel deernis na hierdie lewensverhaal. Dit gryp my aan die hart, veral omdat daar geen selfbejammering in die vertelling daarvan te bespeur is nie. Inteendeel... veel van die verhaal van swaarkry is derspek met dieselfde humor waarvan ek reeds vertel het: die lekkerkry en vreugde van broers en susters wat grootgeword het in n huis waar hulle van jongs af die regte lewenswaardes geleer is.

Hy't na matriek gaan werk by n fabriek en n fiets op skuld gekoop. "My salaris was twaalf pond n maand en die fiets het ek oor n tydperk van n jaar afbetaal teen n pond per maand". Hy't skofte gewerk en het redelik ver van sy werksplek loseer. Hy was nog maar jonk en die skofure het geen genade geken nie. In die felle son, in die middernag, deur wind en weer, gesond of olik - moes hy sy fiets trap. Stukke van die pad was opdraand. ek moes maar hard trap om bo uit te kom, veral as die wind van voor was. Dit was maar vermoeiend. Maar dit was goed vir my, jy moet verstaan dat ek nie kla nie hoor, dit was goed vir my!
Sy oom wat op Vereeniging woon, het hom laat weet dat hy n beter werk daar kon kry. Hy het dus sy werk bedank en met sy karige besittings en sy fiets tydelik intrek geneem by die oom en tante van hom. Toe hy die eerste dag by die "nuwe beter werk" aankom, was daar n misverstand en die persoon wat hom sy werk moes aanwys, gee hom n taak as slyper. Hy moes vir twee maande slypwerk doen! Op n dag is die ongelooflike misverstand uit die weg geruim en het hy n klerklike pos by een van die groot fabrieke in Vereeniging gekry. Daar het hy gewerk vir drie jaar. Todat hy geweet het, helder en seker geweet het: hier wil ek nie bly nie. Hier gaan ek nie my lewe slyt nie. "In my hart was n droom. Ek wou n dokter word" Saam met my het n Engelsman gewerk. Sy naam was Robbie McIntosh. Op n dag loop ek na hom: Robbie, can you lend me fifty pounds, please? I want to go and study medicine. I want to become a doctor...
Met daardie vyftig pond is hy na die universiteit om hom te gaan inskryf en met behulp van verdere lenings kon hy sy studies as geneesheer voltooi. Na sowat nege jaar in n praktyk het hy weer gaan studeer en gespesialiseer.
Hy't die hoogste sport in die lewe bereik, hierdie man wat hard moes trap om bo uit te kom, hierdie man wat die wind van voor gehad het. Hy't bo uitgekom omdat hy die wil gehad het om bo uit te kom... Van hom sou ek in die woorde van n bekende digter wou se: "Stil broers, daar gaan n man verby, bekyk hom goed, daar is maar net een soos hy!"
En watter boodskap van oom kan ek vir die mense wat my blog lees opsit vra ek hom.
Se vir hulle: n mens kan as jy wil. Dis die hele geheim. Jy moet wil om te wen in die lewe. En hiermee dra ek sy boodskap aan jou oor. Handel daarvolgens. Dis louter wins!

Aan my twee woestyn vriendinne...

2010-07-17T10:57:00.002+02:00

Goeie more Sandra en Charmaine
Ek wil graag n gebed vir julle doen...

Liewe Heer, ek nader U troon baie nederig vanoggend en wil U eerstens dank vir U liefde. Heer ek wil U naam vandag groot maak want U alleen is waardig om die lof te ontvang. Laat my asseblief toe my Hemelse Vader om my vriendinne voor hierdie toer van hulle na U toe op te lig. Ek bid dat U op hierdie toer spesiale aandag aan hulle sal gee. Lei U hulle en inspireer hulle deur U Heilige Gees. Gee asseblief U Engele aangaande hulle bevel (volgens Psalm 91) om hulle op die hande te dra, soveel so dat hulle gedurende hierdie toer nie eers hulle voet teen n klip sal stamp nie. Dankie dat U twee sulke fantastiese mense gekies het om deel van my lewe te wees. Deur hierdie twee vroue het ek opnuut weer U Liefde ervaar.
Ek bid hierdie gebed vir my twee vriendinne en ek weet met n kinderlike geloof dat U my gebed sal verhoor, nie net omdat ek dit vra nie, maar omdat ek en my vriendinne afhangklik is van U my God.
Amen.

Love you, en lekker toer!

Elke huis vertel n storie...

2010-07-11T10:05:00.002+02:00

Sommige huise gooi nou maar net hulle flikkers vir jou, terwyl ander huise...

Dit is nou maar eenmaal so dat eerste indrukke tel-
Wanneer ek vir die eerste keer voor n huis stop - kyk ek altyd na die tuinhekkie, posbus en tuinpaaidjie.
By sommige huise moet jy oor die kinders se speelgoed en honde se waterbakke klim om by die voordeur te kom.
Elke huis weerspieel jou lewenswyse en persoonlikheid...

My eerste huis op n Vrydagoggend 8h00 verwelkom my met die geurige reuk van vars koffie (ek is so gelukkig om n koppie te kry elke vrydagoggend)

n Huis vol lig skep ook altyd n opgeruimde atmosfeer.
Kuns - vertel ook n storie van die huismense... familiefoto's of die kleuter se tekeninge.
Wat jy versamel is n uitvloeisel van jou belangstelling en vertel meer as wat jy regtig sal besef.

Is daar enigiets in jou huis wat wys dat jy n Christen is?

Wanneer jy in n Joodse gelowigw huis kom, is die wet by die deure opgeplak...
Moslem huise het skilderye op die mure wat die lof van alah besing...

Meeste van die huise waarin ek werk le n stofbedekte Bybel iewers op n rak...

Gebed

2010-07-06T20:12:00.002+02:00

Graag deel ek met julle die gebed wat ek en my span elke oggend bid voor ons ons eerste huis begin skoonmaak, al my meisies is Engels sprekend so ons doen die gebed in Engels.

Lord Jesus, as we enter this Home to clean it, we bring Your Presence into it. We speak You Peace, Grace and perfect order into the atmosphere of this home.

Lord Jesus, we thank you for all the spiritual and natural gifts that You have deposited within us. We do not take them lightly, but commit to using them responsibly and well, to the glory of Your Name.
Lord Jesus we ask that You give us a fresh supply of Your truth, mercy and grace on witch to draw, as we do our job.
Anoint our creativity and ideas, refresh our bodies and give us energy so that even the smallest task that we perform will bring glory to Your Name.

Lord Jesus, when we are confused, guide us, when we are weary, energise us, when we feel all burned out, infuse us with the light of Your Holy Spirit.
May the work that we do and the way in which we perform it, bring hope, life and Your peace to all the family members who live in this home.

Lord Jesus, we pray that even in the most stressful moments, we will find rest in You. In the mighty Name of Jesus, the name that is above all Names, we pray.

Amen

Oor huise skoonmaak...

2010-07-03T16:45:00.002+02:00

Ek het nooit gedink dat ek huise sou skoonmaak vir n inkomste nie. Deel van ons Afrika kultuur is dat as jy dit hoegenaamd kan bekostig, jy iemand huur om vir jou te werk - of om minstens die stykwerk vir jou te kom doen...
Die kalf was in die put en so aanvaar ek n pos as toesighouer oor n span vroue wat huise skoonmaak.
Glo my, ek het nuwe ontsag vir elke vrou wat haarself n skoonmakster noem! Om jou eie huis skoon te maak is een ding, om n iemand anders se vuil huis skoon te maak is soms... wel, kom ek vertel van n paar uiterstes...

DIE OPGAARDERS:
Een ou oom is n volbloed opgaarder. Sy huis is vol gepak - ou bokse klere, tydskrifte, koerante... you name it - dit is daar.

DIE PERFEKSIONISTE:
Hierdie man en vrou woon in n praghuis - hoog gerang in die weermag (albei van hulle) Hulle huur ons vir n twee uur diens per week - en elke week wonder ek hoekom hulle iemand betaal om die huis skoon te maak - NIKS is ooit uit sy plek nie - daar is nooit eers n koffie koppie in die opwabak nie.
Aan die ander uiterste van die spektrum werk ons vir n jong paartjie waar die vrou ook n perfeksionis is. Maar aangesien sy nie haar huis in die toestand kan hou waarmee sy tevrede is nie - laat sy dinge eenvoudig gaan... elke week moet ons lettrlik al die klere van die vloer af optel ( soos in die kas is leeg, die vloer is vol...

DIE SJIRUG:
se huis is die mekka van stapels... hulle huis is nie onnatuurlik deurmekaar nie - buiten nou vir die stapels ongeleesde pos en tydskrifte - Wat my daar dronkslaan is hoe BAIE goed hulle het... drie yskaste, vier cd spelers, drie rekenaars...

Soms wonder ek wat ons skoonmaaksters tuis vir hulle vriende/familie se oor ons huise en ons gesinne...
Soms gebruik ek die geleentheid om vir die gesinne te bid terwyl ek hulle huise skoonmaak. Ander kere wanneer n huis rillings teen my rug afstuur - en dit vir my moeilik is om te bid, dan sing ek net saggies my gunsteling koortjie terwyl ek werk in die huis...

Huis skoonmaak hou my nederig en ongelooflik dankbaar! Ek is veral dankbaar vir die nuwe insig in die wereld van skoonmaakpersoneel...

Tevredenheid...

2010-06-19T09:52:00.003+02:00

Ek word die laaste tyd vreeslik "aangeval" deur n persoon wat my beskuldig van n "dont care" houding...

"Tevredenheid is nie n willose oorgawe aan wind en weer nie; n skouerophaal oor skynbaar onvermydelike omstandighede nie.
Tevredenheid is juis die sug van vervuldheid nadat jy so goed as moontlik jou kant gebring het, maar sonder daardie verterende begeerte na nog meer. Veral wanneer dit oor status en besittings gaan...
Tevredenheid gaan met dankbaarheid gepaard. Om dankbaar te wees vir die dinge waaroor jy wel beskik. Om al jou gawes as geskenke uit God se hand te erken. Om dit wat jy het, voluit te geniet"

Jammer dat ek nou hier moet stoom afblaas - maar ek hoop nie my "dont-care" houding pla jou nog na vandag nie!

Maak my...

2010-06-13T14:52:00.002+02:00

Hemelse Vader,
dankie vir die wonder dat ek vrede mag he al woed die lewenstorms rondom my -
dat U my rustig maak te midde van heersende onrus,
dat U die bekommernisse en vrese wat my lewe wil oorheers wegneem
wanneer ek U van hulle vertel.
Dankie vir U vrede wat anders is as die van die wereld omdat dit nie op my omstandighede berus nie, maar van binne kom.
Here, help my om vrede te kan bring waar mense opstandig is. In die woorde van Franciscus van Assisi wil ek bid:
Maak my n werktuig van U vrede sodat ek liefde sal beoefen waar mense mekaar haat;
dat ek wonde sal verbind waar mense mekaar seermaak;
dat ek vergiffenis sal bewerk waar daar stryd is;
dat ek die waarheid sal praat waar leuens heers;
dat ek hoop sal bring waar duisternis oorgeneem het;
dat ek vreugde sal bring waar leed woon.
Amen.

Dit is hier...

2010-06-11T15:48:00.003+02:00

Suid-Afrika is in die spervuur! Alle oe vanoor die wereld is op ons mooi land en sy mense gerig!
Orals blaas vuvuzelas, mense dans rond op die maat van Afrika musiek, op die meeste voertuie wapper ons landsvlag en die gees is voelbaar op straat en in winkelsentrums...

Ek doen n beroep op al my vriende in die Geloof, om ons land juis nou met die kollig op ons, in die Gees aan ons Hemelse Vader op te dra en Sy beskerming oor ons te pleit.
Kom ons vat hande en wys aan die wereld dat ons n verskil kan maak. Want die verskil begin by elkeen van ons se harte... en nie by die volgende persoon nie!
Kom ons staan op as trotse Suid-Afrikaners en dra n beeld uit na die wereld wat sal maak dat hulle weer en weer na ons mooi land toe sal wil terugkom...

Feel it - it is here!

Beplanning vir die week...

2010-05-30T09:20:00.012+02:00

Maandag: Here, Help my om vandag al my selfsugtigheid en eie wil weg te was, sodat ek U die res van my lewe met nederigheid kan dien.

Dinsdag: Here, stryk vandag al die plooie, wat deur die jare versamel het, uit my gees sodat ek net die mooi in ander sal sien.

Woensdag: O God, Help my dat ek sal regmaak waar ek ander te na gekom het.

Donderdag: Heer Jesus, help my om met die stoflap van U GENADE die klein sondetjies, wat in my hart skuil, weg te vee en skoon te maak.

Vrydag: O God, gee my asseblief die wysheid om die dinge te koop wat nodig is nie wat ek begeer nie, omdat ek weet Here, geen aardse skatte weeg op teen dit wat in die Hemel wag nie.

Saterdag: Help my, my Vader om die vrugte van die Gees: Liefde, Vriendelikheid, Hulpsaamheid, Sagmoedigheid,Getrouheid en Selfbeheersing aan my naaste voor te sit.

Sondag: O God, ek het my huis vir U voorberei. Kom woon asseblief daarin sodat ek die res van my lewe in U teenwoordigheid kan deurbring.

Hoe Wonderlik...

2010-05-29T11:37:00.001+02:00

...
Kan jy jou indink hoe wonderlik hierdie omhelsing gaan wees?

Littekens...

2010-05-21T08:05:00.003+02:00

Die meeste van ons loop met die een of ander litteken rond... ekself loop met so n litteken waar n mes in my voet geval het toe ek klein was, gelukkig vir my is dit aan die binnekant van my voet en min mense weet daarvan... ander is nie so gelukkig nie en hulle littekens sit op plekke waar dit baie opvallend is en hulle gedurig vrae daaroor moet beantwoord...
So loop Willie met lelike littekens aan sy bene rond, tekens wat gewoonlik vrae uitlok en hy die storie van sy ontelbare beenoperasies as kind al verskeie kere moes vertel...

Ek het n goeie vriendin wat n merk aan haar gesig het en daagliks bestee sy tyd om hierdie teken toe te smeer met allerhande toor goedjies... ek het al gewoond geraak aan hierdie merk in haar gesig omdat ek haar al deur die jare verkeie kere moes help toesmeer aan hierdie litteken vir spesiale geleenthede - dus sien ek glad nie meer hierdie merk raak nie en het haar toesmeerdery my al per geleentheid effens geirreteer...
na een so n vererg sessie en omdat geen toormiddel haar daardie dag kon tevrede stel dat die merk nie sigbaar is nie het dit my getref hoeveel mense daar rondloop met littekens wat hulle probeer wegtoor...

Nie altyd uiterlike littekens nie - maar littekens diep binne in jouself, merke wat ons met allerlei toorgoedjies vir onsself probeer wegsteek...
Het jy al opgemerk hoe sommige mense - sonder enige rede net ongeskik, ongeduldig, luid, hard, wreed en somtyds skoon uitbundig en laf kan wees...
Dit het al met my gebeur dat mense se reaksies my skoon winduit laat, my vir dae laat tob en wonder hoe hulle so heftig kon reageer op iets (vir my) klein en onbenullig...
en dan besef ek maar net weer... maak nie saak hoe hard n mens n litteken probeer toesmeer nie - daar kom n tyd dat jy nie anderpad kan kyk nie - dat geen toormiddel - geen salfie - goed genoeg is nie... die merk is daar!

So het ek ook onlangs nodig gehad om van my eie littekens skoon te was... die toorgoedjies het vir my ook net nie meer gewerk nie...
ek moes hierdie littekens skoonwas... moes aan hulle voel ... met hulle praat... moes uiteindelik erken dat meeste van hulle tog nie so erg is soos wat ek hulle deur die jare vir myself wou maak nie... dat die meeste van hulle al so mooi genees het dat ek jare lank al verniet bly toesmeer...
Ek is opreg dankbaar vir elkeen van hierdie "binne" littekens van my, want dit het van my gemaak die mens wat ek vandag is - die vrou wat ek vandag is.
Dit het gemaak dat ek met Liefde en deernis, saggies aan ander se littekens kan raak...

Ek is so MOEG...

2010-05-18T09:12:00.003+02:00

O, Here, ek is so moeg van mislukking, teleurstelling,pyn en skokke.
Ek is moeg gejaag, gepraat,gesukkel,gewanhoop.
Ek is moeg van weer begin, moeg van onsekerheid, moeg gesoek.

Gee my die moed om terug te kruip na U toe, om by die fontein van die Lewe te drink en om alles wat die daad agterna van my gaan verg, met n lied op my lippe te vat.

Amen

Hemelvaart

2010-05-13T07:56:00.002+02:00

Vandag is Hemelvaartdag...
Ek is dankbaar, Soos Hy opgevaar het, so gaan Hy weer verskyn op die wolke, nie gebroke of gekneus en verwerp nie, maar as die grootste OORWINNAAR OOIT!!

Loop op die water...

2010-05-01T06:45:00.002+02:00

Soms tref die TSUNAMIES van die lewe ons en ALLES spoel net eenvoudig weg...

Tiekets...

2010-04-25T19:21:00.002+02:00

Gebed vir myself vir vandag

2010-04-23T10:15:00.003+02:00

o Hemelse Vader, ek loof en dank U vir die rus van die nag wat verby is.
Ek loof en dank U vir die nuwe dag wat gebreek het.
Ek loof en dank U vir U eindelose goedheid en trou dwarsdeur my lewe.
U het my so ryklik geseen tot nou toe.
Gee my nou asseblief die moed om ook spanning, hartseer, vrees en siekte te hanteer.
Dankie dat U my nog nooit bo my kragte laat ly het nie.
U laat alle dinge ten goede saamwerk vir U kinders.
Amen

Pappa

2010-04-14T20:35:00.004+02:00

... ek verlang vir jou
na jou menswees
na die holte van jou skouer.
Pappa ek verlang na jou
na die warmte van jou vashou
na jou vertel van melewe se dae
Pappa ek verlang na jou
na die kyk in jou oé wanneer jy vir ons kyk
na jou mooi vertel
na jou liefde
Pappa ek verlang na jou...

Vandag sou my pa se verjaarsdag gewees het, en die ganse dag het die verlang dik in my bors gelé...

Dankbaarheid...

2010-04-11T16:18:00.002+02:00

Daar is twee soorte mense: Dankbaar en Murmerend...

Dr Dale Robbins skryf-
" I used to think people complained because they had a lot of problems. But I have come to realize that they have problems because they complain. Complaining does'nt change anything or make situations better. It amplifies frustration, spreads discontent and discard, and can invoke an invitation for the devil to cause havoc with our lives."

Dankbaarheid kom nie vanself nie. Dit moet in ons lewens gekweek word. Ons moet dankbaarheid saai, elke dag natmaak, dit versorg en dan kan ons die vrugte pluk...
Ons hoef egter nie vir alles dankbaar te wees nie, maar IN alles. Ons slegte omstandighede is baie keer nie n struikelblok nie, maar n klip wat ons op kan trap na beter omstandighede!

KOM ONS FOKUS HIERDIE WEEK DAAROP OM DINGE TE SOEK WAARVOOR ONS DANKBAAR KAN WEES.

Vrede

2010-04-08T20:52:00.002+02:00

Die mens se grootste skat is die vrede wat hy in sy hart dra.
As daar vrede is, is daar vreugde, kalmte en n bereidwilligheid om na die stem van die waarheid te luister...

My een gebed die afgelope vier maande was vir vrede. Ek kan met danbaarheid se dat ek vrede gemaak het met die omstandighede waarin ons tans verkeer.
Dit gaan goed met ons en die onderhoude begin nou gebeur. Ons is baie positief en ek moes ook vrede maak met die waarheid dat God ons slegs op drie manier antwoord:
JA
NEE
of WAG...
En duidelik wil HY ons leer om te wag!

Aan ons twee woestyn Engele Sandra en Charmaine - Baie baie dankie vriendinne.

Ek is amptelik terug op my blog en daarvoor is die kinders te danke!

Dinge wat verby is...

2010-03-09T19:35:00.002+02:00

Dinge wat jare oud en dood is, is dinge wat verby is...
Ons kan nooit die horlosie terugskyf nie. NOOIT!
Daarom is dit onnodig om tussen die ou doodbeendere van die verlede rond te krap... daar kan nooit weer lewe inkom nie!

En daarom wil ek dit uitjubel sodat almal kan hoor:
Ek is vry, vry van gister! Gister maak nie meer saak nie!
GISTER IS VERBY!

Amper...

2010-03-08T08:49:00.002+02:00

Toe jy dink ek kyk nie...

2010-03-04T08:42:00.002+02:00

Het ek gesien...
* Hoe jy my eerste tekening teen die yskas opsit vir almal om na te kyk, ek was dadelik gretig om nog een te teken.
* Hoe jy n rondloper kat voer, en ek het geleer om liefdevol met alle diere te werk.
* Hoe jy gedurig my gunsteling koek vir my bak, en ek het geleer dat die klein dingetjies so dikwels die spesiale goedjies word.
* Hoe jy n bord kos na n siek vriendin neem, en ek het geleer dat ons na mekaar moet omsien.
* Ek het gesien hoe jy jou verantwoordelikhede nakom, al het jy nie altyd so goed gevoel nie, dit het my geleer dat ek verantwoordelik moet wees en optree as ek n grootmens is.
* Hoe jy elke dag die huis en almal in die huis versorg het, en ek het geleer dat ons dit wat aan ons gegee is moet troetel en versorg.
* Hoe daar trane teen jou wange afloop, en ek het geleer dat wanneer dinge soms seermaak dit doodreg is om te huil.
* Toe jy dink ek kyk nie het ek by jou geleer hoe om n positiewe en produktiewe grootmens te wees...

En nou wil ek sê: Dankie vir al die dinge wat ek by jou geleer het toe jy gedink het ek kyk nie!

Jou Beursie

2010-03-02T14:23:00.003+02:00

Wees maar eerlik. God kompeteer met materialisme in meeste van ons lewens...
Outeur John Ortberg skryf: " Soms tydens my optredes, doen ek n klein oefening met mense. Ek vra hulle om hul beursies uit te haal. Dit lyk net soos n stukkie leer, maar in werklikheid is dit die nuwe tempel van die 21ste eeu. Meeste mense glo dat hulle geluk direk gekoppel is aan die inhoud van hierdie klein houertjies, waar die geldgod woon. Ons gee die stukkies leer die mag om ons geborge, sukseksvol en van waarde te laat voel. Dit is vir ons baie moeilik om die stukkie leer prys te gee. Eintlik is die vraag:

Wie is in beheer? Hou jy hom vas of hou hy jou vas?

So, vra ek die mense dan om hulle beursies vir die persoon langs hulle te gee. Op hierdie oomblik het ek skielik almal in die gehoor se volle aandag! Dan kondig ek kollekte - tyd aan. Ek moedig hulle aan om met oorgawe te gee. Op hierdie punt vat almal vinnig hulle eie beursies terug. Dan vra ek mense om vandag te verklaar tot 'genoeg - dag': Wat ek vandag besit - werk, huis, besittings en lewenstyl - is genoeg. Ek vra die mense om vandag op hul kalenders aan te dui as die dag waarop hulle opgehou het om met die bure te kompeteer. Jy sien, dit is nie meer nodig nie, want saam met God wen ons almal!"

Bron: Radiokansel.

Belofte

2010-02-26T16:25:00.001+02:00

Vir Naomi...

2010-02-24T15:48:00.000+02:00

Ek groet vir eers...

2010-02-13T06:51:00.002+02:00

Tot dit weer met ons beter gaan, groet ek vir eers hier op my blog.
Mag elkeen van julle gesond en geseënd bly, julle is altyd in my gebede.

As ek TERUGKYK

2010-02-10T20:37:00.002+02:00

...raak ek hartseer oor die pyn en VERLIESE van die verlede...
as ek te ver VORENTOE kyk, raak ek bang en VREESBEVANGE vir die toekoms...
maar as ek OPKYK & fokus op ONS HEMELSE VADER raak ek RUSTIG .
Want ek weet Hy hou die VERLEDE,HEDE & TOEKOMS IN SY HAND.

Om Goed te doen

2010-02-02T07:25:00.002+02:00

Dan Clark onthou hoe hy as tiener saam met sy pa in n tou gestaan het om kaartjies te koop vir die sirkus. Voor hulle was n arm gesin. Die ouers het hande vasgehou, en daar was agt kinders, almal waarskynlik jonger as twaalf. Hy kon sien dat die sirkus vir hulle n nuwigheid was. Toe die kaartjieverkoper vra hoeveel kaartjies hulle wou koop, het die man trots geantwoord: "Agt kinderkaartjies en twee vir volwassenes." Toe die kaartjieverkoper die bedrag noem, het die vrou sy hand gelos en haar kop laat sak. Die man het nader gestaan en gefluister: "Hoeveel het jy gesê?" Hy het duidelik nie genoeg geld gehad nie, en het verpletterd gelyk.

Clark vertel hoe sy pa die hele petalje dopgehou het, sy hand in sy sak gesteek en n twintigrandnoot uitgehaal het, en dit ongemerk op die grond laat val het. Toe het hy afgebuk en die geld opgetel, die man voor hom op die skouer geklop en gesê: "Verskoon my, meneer, maar ek dink jy het hierdie laat val." Die man het presies geweet wat besig was om te gebeur. Hy het Clark se pa stip in die oë gekyk, sy hand geneem en dit geskud, terwyl trane teen sy wang afloop, het hy gesê: "Baie dankie meneer. Dit beteken so baie vir my en my gesin."Clark en sy pa het teruggegaan huis toe. Hulle het nie meer genoeg geld gehad om kaartjies te koop vir die sirkusvertoning nie, maar dit het nie saak gemaak nie. Hulle het n hele gesin geseën, iets wat nie een van die families sou vergeet nie.
Dis wat dit beteken "om goed te doen"

Bron: Radiokansel.

Ek

2010-01-29T20:45:00.003+02:00

glo...
als gebeur met tyd - in - tyd.
Ek glo...
in beloftes wat saak maak.
Ek glo...
ek sal antwoorde vind wat in my hart lê.
Ek glo...
in wonderwerke, niks het nog by Jesus verander nie.
Ek glo...
in liefde wat alles bedek.
Ek glo...
in God selfs as Hy stil is want dan is dit die tyd wat Hy my dra.
Daarom glo ek...
want ek weet Hy is altyd in beheer.

Op Reis

2010-01-27T07:47:00.002+02:00

Op ons reis deur die lewe laat ons baie rye spore agter.
Wanneer dit met ons goed gaan, raak ons voete skaars grond.
Waar ons gesukkel het om aan God vas te hou, is die pad wyd en stowwerig gestoei.

- Judy Venter.

Opgee? ... Moenie!

2010-01-22T08:06:00.002+02:00

George Frideric Handel was n musikale wonderwerk. Op een-en twintig was hy reeds n klawerbord genie en toe hy begin komponeer het, het hy dadelik roem verwerf.Hy het Engeland toe verhuis en daar nog meer bekend geword. Op veertigjarige ouderdom was hy wêreldberoemd, maar ten spyte hiervan het hy noemenswaardige teenspoed geken. Kompetisie met Engelse komponiste was straf. Gehore was onvoorspelbaar: soms het hulle nie opgedaag vir sy vertonings nie. Hy was n slagoffer van die heersende poletiek en was n paar keer op die rand van bankrotskap. Sy probleme is vererger deur sy swak gesondheid. n Beroerte het sy regterarm verlam en die gebruik van vier van sy vingers belemmer. Hoewel hy mettertyd herstel het, het hy as gevolg van sy gebrek aan depressie begin ly. Uiteindelik, op ses-en-vyftig, het Handel besluit om uit te tree. Mismoedig en diep in die skuld, was hy oortuig daarvan dat hy in die tronk sou beland.

Op 8April 1741, sou hy sy laaste poging tot n konsertuitvoering gee. Maar daardie jaar het iets merkwaardig gebeur. n Welgestelde vriend genaamd Charles Jennings het Handel besoek en sy skryfwerk - n stuk oor die lewe van Christus - met hom gedeel. Dit het Handel so gefassineer dat hy dadelik begin skryf het. Die sluise van inspirasie het oop gebreek - soveel so dat hy vir drie weke aaneen geskryf het. Nog twee dae het hy geskryf aan die orkestrasie. Binne 24 dae het hy die 260-bladsy manuskrip van "Die Messias" voltooi.

DINK JY AAN OPGEE? MOENIE! "STAAN BAIE VAS"

Bron: radiokansel.

Juané

2010-01-15T08:02:00.003+02:00

Hierdie klein pop het met haar skraal lyfie en groot ronde oë vierkantig in ons harte kom inklim.
Sy is Juané Lombaard en sy is Woensdag groot skool toe. Juané is een van ons jong vriende se dogtertjie en het vir een of ander rede n groot liefde vir my en Willie ontwikkel. Sy is vreeslik lief om vir ons verassings te bring - n snytjie koek op n bordjie, n blokkie kougom, twee blokkies kaas, n bossie blomme...
Ek is spesiaal genooi om na haar kleuterskool se konsert te gaan verlede jaar, Willie kon dit ongelukkig nie maak nie want hy moes die betrokke dag laat werk - en Juané het toe spesiaal vir hom n dvd laat sny van die konsert. Ek het natuurlik soos n "regte" ouma my oe dik gehuil op daardie konsert - met die gevolg dat ek toe nie genooi is na die gradeplegtigheid in November nie. Want in Juané se eie woorde: "Ek wil nie hê tannie Naomi moet weer haar oe so rooi huil nie. Ons is toe bederf met n dvd en foto van die geleentheid.
Juané my pop, baie dankie vir die baie liefde en vreugde wat jy in ons lewens bring. Ons is lief vir jou pop.

VADER EK VRA DAT U ALTYD SAAM MET JUANé SAL WEES. GEE HAAR WYSHEID OM GEVAAR TE HERKEN - EN DAT SY MET DIE REGTE VRIENDE SAL MENG. STUUR U ENGELE OM OOR HAAR TE WAAK. MET U DAAGLIKS AAN HAAR SY - SAL SY NOOIT IN HAAR LEWE SKADE LY.
AMEN

Pslm 23

2010-01-13T10:00:00.001+02:00

Die Here is my Herder ek kom niks kort nie.

Nie vergeet nie...

2010-01-08T20:39:00.003+02:00

Dit was n besige oggend toe n ouerige man in sy 80's by die dokters kamers opdaag om n wond aan sy hand te laat versorg. Hy noem aan die suster dat hy baie haastig is en n belangrike afspraak om 9h00 het.
Wetende dat dit omtrent n uur sal neem voor een van die dokters hom sal kan sien, besluit die suster om maar gou self na sy wond te kyk.
Terwyl sy besig is om die wond te versorg, begin die ou man n gesprek met haar. Sy vra aan hom waar sy afspraak is, waarop hy antwoord dat hy 9hoo by die versorgingsoord waar sy vrou is moet wees om saam met haar ontbyt te eet. Die suster vra belangstellend uit na die ou dame en die man vertel aan haar dat sy daar is omdat sy n slagoffer van Alzheimer siekte is.
Simpatiek vra die suster aan hom of sy vrou baie bekommerd sal wees indien hy n paar minute laat is - waarop hy toe antwoord dat sy hom al vir vyf jaar glad nie herken nie en nie weet wie hy is nie...
Baie verbaas vra die suster toe aan hom hoekom hy dan nog elke oggend stiptelik om 9h00 saam met haar ontbyt gaan eet as sy nie weet wie hy is nie...
Die ou man glimlag en antwoord sag:
Sy ken en onthou my dalk nie meer nie, maar ek ken en onthou haar nog!

2010

2010-01-03T11:00:00.003+02:00

Met my terugblik op 2009 was my eerste gedagte dat dit n nagmerrie van jaar vir ons was... maar hoe langer ek daaroor nagedink het - hoe meer het ek besef dat dit inderwaarheid n goeie jaar vir ons was...
Deur al die terugslae wat ons in 2009 beleef het kon ek net God se groot Hand van Liefde en Genade raaksien.
Ons was twee keer werkloos in 2009 en God het ons elke keer gedra. Nooit was ons sonder n dak oor ons koppe of kos in ons kaste nie. Willie is n diabeet wat insulien afhangklik is en nie een dag was hy sonder sy medikasie nie.
Ons het sulke dierbare vriende ontmoet hier op die blog wat nie vir een oomblik gehuiwer het om hulle harte en beursies vir ons oop te maak toe ons dit nodig gehad het nie - ons was vreemdelinge vir hulle, maar hulle het ons met die Liefde van die Vader kom toevou!
Sandra en Charmaine - Dankie!
Sonja het nie vir een oomblik gehuiwer om my te kontak toe sy in Desember uitvind dat Willie se kontrak nie hernu gaan word hierdie jaar nie, sy het onmiddelik sy cv aangevra en begin rondvra vir hom vir werk.
Thea vir al jou e-posse van liefde en bemoediging.
mariki - jou opregte gebede het my meer as een dag aan die gang gehou - ek dank God vir jou.
Zee, Muriel, Miekie, oom Petrus en almal wat anon hier kom lees en kommentaar het, ek wardeer julle.

Ek is 29jaar gelede "gebless" met n seun - en ek kon nog nooit ophou om God te dank vir hom nie, hy is nog net deur al die jare vir my n trots en plesier!

2010 lê nou voor ons en ons begin ook nie hierdie jaar sonder bekommernisse nie, maar ons plaas met vertroue en verwagting ons hande in Sy Groot Hand met die wete dat Hy elke tree in hierdie nuwe jaar saam met ons sal loop soos wat Hy nog altyd gedoen het.

Aan al ons familie, vriende, blogvriende en kenisse - n Baie Geseende en Voorspoedige 2010

Kersfees - Christusfees

2009-12-23T07:38:00.002+02:00

Wat n wonderlike voorreg om Kersfees as n Christusfees te mag vier. Tydens die Kersseisoen wonder ek dikwels oor daardie nag. Die nag toe die ster wat die wyse manne gelok het bo die nederige stal bly talm het. Die nag toe die jong vrou Maria n sagte babakoppie teen haar bors gedruk het. Die nag toe alles verander het vir die wat glo dat Hy vir ons gebore is. Ons herdenk die geboortedag van ons Koning wie waardig is om geprys te word.
Ek bid dat kerstyd vir jou geseënd sal wees, dat dit n tyd van liefde, , vreugde en vrede vir jou sal wees en bo alles bid ek dat die dag jou sal herinner aan die geboorte van die Seun van God wat met Sy lewe joune kom red het.
Mag Kersfees werklik vir jou n Christusfees wees!

Hemelse Vader dankie dat U U Seun mens laat word het. Dankie dat Jesus gebore is om vir ons n nuwe begin te bied. Ons loof U daarvoor.

Die Nagklerk

2009-12-19T08:12:00.002+02:00

" Generous hands are blessed hands, because they give bread to the poor"
- The Message

n Ouerige paartjie kom laat een reënerige aand by n hotel ingestap en vra n kamer. Die nagklerk het gereageer met: Ons is vol bespreek, maar ek het self n kamer hier - dis nie juis iets om oor huis toe te skryf nie. Ek sal Mary ons skoonmaker, vra om die kamer skoon te maak. As julle net so n paar minute sal wag?

n Jaar en n half later, toe die beroemde Waldorf Astoria Hotel in New York klaar gebou is, het John Astor, die bejaarde man van die verhaal en die eienaar van die hotel, gesê: "Ek wil hê daardie nagklerk moet my Hotel Bestuur."...

Dit is maklik om te praat...

2009-12-11T07:06:00.002+02:00

"Nee man, vertrou net op die Here"
"More skyn die son weer"
"Jy weet jy mag nie twyfel nie"

Vertroue en geloof in God gaan soms gepaard met slaapeloosheid en n naarheid wat nie wil weggaan nie. Soms self depressie, jy verloor jou vrede en voel dit vir jou God het jou lankal nie meer in sig nie, jy is oorgelewer aan jou eie genade...

VADER, ek bid vir elkeen wat moedeloos is, wat voel om op te gooi. Ek bid dat U verheerlik sal word en ons verbaas sal staan as ons U almag en bonatuurlike werking beleef en aanskou. Spreek die woord Here, want die heelal en alles daarin behoort aan U. U is God en ons aanbid U.

Amen

Ware Vriendskap

2009-12-09T07:44:00.004+02:00

Ek het vir Piet en Pieternella ontmoet die oggend na ons in die woonstel ingetrek het. En nou na bietjie meer as n jaar kan die vriendskap as wedersyds beskou word. Ons is nou al sulke groot vriende dat ons soggens saam ontbyt geniet. Ek staan in die sitkamer en hulle op die balkon, en ons eet twee toebroodjies: een vir my en een vir hulle.
Hulle daag kort voor agtuur op, hoewel hulle al behoort te weet die etery begin nie voor kwart oor agt nie.
Kaas en konfyt is hulle gunsteling en hulle het ook n voorliefde vir eierbroodjies. Wanneer daar vleissmeer of slaai op die brood is, lewer hulle kritiek.

Nou, verlede week, kom hulle een oggend sewe uur hier aan met n kêreltjie wat op n druppel water na Piet lyk. Hulle kom stel hom as't ware aan my voor: die produk van liefde in n stad waar liefde nie volop is nie.
Pietertjie, soos hy nou heet, het n gesonde eetlus. Wanneer sy ouers die oggend n bietjie draai met die opstanery kom hy sommer sesuur al hier aan. Dan sit hy op die balkon en gesels todat hulle opdaag en die ontbyt voorgesit word.

Hierdie gesin is nie die soort vriende wat verniet wil eet nie. Hulle dring daarop aan om vir hul kos te werk deur die duiwe van die balkon af te verwilder. Ek raak skoon bekommerd wanneer hulle al drie die oggend verslaap en laat opdaag!
Hoe langer ek en Piet en Pieternella en Pietertjie mekaar ken, hoe meer dink ek dit is nie noodwendig van eensaamheid dat baie "oumense" hul brood en hulle geselskap met voëls deel nie...

My vriend die voëltjie

2009-12-07T06:56:00.002+02:00

My eerste kennismaking met my nuwe maaitjie los my met n benoudheid. As die voëltjies begin sing en jy sit nog agter die rekenaar beteken dit die nag is verby en die sonsopkoms is nie vêr nie. Wat jou slaap betref, kan jy maak wat jy wil, jy is in die moeilikheid. Of jy nou gaan slaap of nie, maak nie n verskil nie, die dag wat voorlê is nie een van die maklikstes nie. Daardie dag is jy nie een van die skerpstes nie...

My nuwe maaitjie kom ek na n tyd agter, begin stiptelik om drie uur in die oggend met my gesêls. Ek dink hy chat spesifiek met my want daardie tyd van die oggend is dit mos doodstil en ek het nog nooit gehoor dat n ander voëltjie terug antwoord nie. n Paar keer het hy my al deur die dag verras as ek sy bekende fluit hoor. Dan wonder ek of die mannetjie dalk sy dag en nag omgeruil het. Feit van die saak is, hy is altyd op sy pos en reg met sy deuntjie, ongeag wie hom antwoord of watter tyd dit mag wees.

Die voëltjie buite my kamervenster se sang het ek elke vroegoggend nodig om my net weer te herinner dat ons God in beheer is, dat Hy vandag regeer!

Drie Soorte Mense

2009-12-03T07:29:00.002+02:00

Die lewe het my geleer daar is basies 3 tipes mense:

1) Die Gebruikers:
Hierdie mense sal jou sterkpunte benut, maar vermy jou swakhede. Wanneer jy in die moeilikheid is, sal hulle van die toneel af verdwyn, net in geval hulle goeie name dalk skade lei... Moet hulle nie verwyt nie; gebruikers is nie sleg nie, hulle is net onseker en selfdienend.

2) Die Versigtiges:
Hierdie mense is in die meerderheid. Wanneer jy in die moeilikheid is, sal hulle wag en sien of jy nie dalk self daaruit kom nie. En selfs dan sal hulle alle opsies oorweeg. Voordat hulle jou aanvaar, kyk hulle eers wie anders jou aanvaar. Wanneer dit by die versigtiges kom, wees lief vir hulle, maar moenie jou lewe rondom hulle bou nie.

3) Die Toegewydes:
Hierdie is die mense waarvan Salomo praat in Spreuke 17:17 - In die goeie tye ken jou vriende jou, in die slegte tye ken jy jou vriende. As jy slegs n handjievol toegewyde vriende het, is jy werklik geseën want hulle sal altyd by jou staan. Hulle is sterk in geloof en in enige geveg. Hulle is gebore om te help. Beskerm hierdie verhoudings en versorg hulle, want sonder hulle kan jy nie jou doelwitte bereik nie.

Marius

2009-12-02T07:08:00.002+02:00

Veels geluk my kind met jou 29ste verjaarsdag. Mag die nuwe lewensjaar vir jou waarlik mooi dinge inhou.
Geniet jou dag, wens ons kon die dag saam met jou spandeer. Hoop ons kan kuier in jou vakansie.

Baie liefde vir jou my kind.

Tyd

2009-11-29T19:08:00.002+02:00

Ons dae is soos identiese tasse waarin sommige mense meer pak as ander. Dit is omdat hulle weet wat om in te pak. Ons almal kry vier en twintig ure, maar nie almal se opbrengs is dieselfde nie...
Die waarheid is: jy bestuur nie jou tyd nie, maar wel jou lewe. Tyd kan nie beheer word nie, dit stap aan, maak nie saak wat jy doen nie.
Niemand, ongeag hoe slim, kan minute uit een dag spaar om die volgende dag te gebruik nie. Wetenskaplikes kan nie nuwe minute skep nie. Al het jy hoeveel geld, kan jy steeds nie ekstra ure in n dag koop nie. Ons praat gereeld van tyd "maak", maar ons kan maar ophou, daar lê nie ekstra tyd rond nie.
Vier-en-twintig ure is die meeste wat elkeen van ons gaan kry. Wyse mense verstaan dat tyd hul mees kosbare kommoditeit is. Gevolglik weet hulle presies hoe hulle hul tyd bestee...
Hulle analiseer hulle tydsbesteding en vra gedurig: "Kry ek die beste gebruik uit my tyd?"

In sy boek "What To Do Between Birth and Death: The Art of Growing Up", skryf Charles Spezanno: Eintlik betaal jy nie vir goed met geld nie, jy betaal daarvoor met tyd.Ons sê so maklik oor vyf jaar sal ek genoeg gespaar het om vir n vakansiehuis te betaal. Daarna sal ek rustiger lewe. Dit beteken dat daardie vakansiehuis jou vyf jaar sal kos, n twaalfde van jou volwasse leeftyd...

Omskep eers die waarde van n huis, kar of enigiets anders in tyd en vra jouself dan af of dit nog die moeite werd is...

MAAK MY KALM HERE...

2009-11-24T08:05:00.003+02:00

Maak my kalm Here, Laat my benoude hartklop tog bedaar...
Kalmeer my gemoed.
Vertraag die dolle pas van my lewe - my lewe, so n klein ratjie in die magtige gang van die tyd...
U sien die spanning wat ek vir niemand anders wil wys nie, die bekommernis oor...
Maak dit stil in my, sodat my siel die musiek van die natuur kan hoor... en die skoonheid daarvan vrede binne in my kan bring-
dat my bewende hande kan saamvou, dat my gespanne spiere kan ontspan.
Help my dat ek weer diep en onbesorge slaap kan geniet, met die wete en die kinderlike geloof dat U sal sorg.
Leer my die kuns om kort-kort tot rus te kom; miskien om n bedinkie blomme te bewonder, om n hond te streel, lekker te sit en lees...
en om te lag en te speel met die wat ek liefhet!
Maak my kalm , Here Jesus...
Laat my opkyk, Here...

Bid asseblief vir my

2009-10-31T06:57:00.002+02:00

Die afgelop tyd voel ek glad nie myself nie, en ek is seker van julle het dit wel opgemerk met my (afgeskeepte) blog inskrywings....
Ek kan nie sê dat ek siek is nie, ek weet net ek voel nie soos ek moet nie - staan sommige dae doodmoeg op en sleep so deur my dag!
Skeep oral goed af... en om die waarheid te sê is ek ook nie veel gesteur daaroor nie.

Die afgelope jaar en n half was/is vir my baie stressvol en ek dink dat ek maar net uitgeput is na liggaam en gees...
Ek weet en bely dat ek soveel het om voor dankbaar te wees maar dit is asof ek net teen die negatiewe bly vaskyk.

Dink asseblief aan my in julle gebede want todat ek myself goed uitgesorteer het sal ek nie bloginskrywings doen nie.
Vir die van julle wat wil kontak hou en nie my e-pos adress het nie - nwlourens@gmail.com

Tot ons weer gesels - God Bless!

Dinge van die hart...

2009-10-27T11:51:00.006+02:00

Die hart was deur al die eeue heen in alle kulture n belangrike
simbool. In die literatuur en kuns word daarna verwys as die kern van lewe, die bron van intellek, wil, moed, gevoelens en emosies.

Die antieke Egiptenare het met die balseming van n lyk alle organe behalwe die hart verwyder. Dit was vir hulle ondenkbaar dat daar n lewe na die dood kon wees sonder die belangrikste bron van lewe, die hart.

Dit was vir die hartpionier dr Chris Barnard interessant dat die Bybel mees as 300 keer verwys na die hart. Volgens hom het die hart vir ons soveel betekenis omdat dit die enigste orgaan is wat direk op spanning of emosie reageer. As ons kwaad, bang of opgewonde is, klop dit harder en vinniger...

Moed

2009-10-22T08:57:00.002+02:00

In n storie van Alistait Maclean, n gewilde skrywer van lank terug, gesels n groepie mense oor dapperheid. Die mening is uitgespreek dat elke mens iewers in sy of haar lewe dapperheid moet openbaar. n Jong man in die geselskap het na n ou vroutjie gekyk van wie hy nie kon dink dat sy al ooit in haar lewe iets dappers kon gedoen het nie. Hy het haar gevra of sy al ooit n heldedaad verrig het. Die jong man het nie geweet dat haar lewe een groot stuk hartseer was nie.

Haar antwoord was wonderlik: "Ek? Ek verrig die heldedaad van moed, ja, die moed om uit te hou en nie op te hou nie!"
Om moed te hou teen al die hartseer en teleurstellings in, was in haar geval n heldedaad wat miskien baie groter was as die waaghalsige heldedade van baie ander mense.

Om moed te hê, beteken om met die lewe voort te gaan al lyk dit na n doodloopstraat.

Mooi Maandag

2009-10-19T09:57:00.002+02:00

Liewe Vader, beskerm asseblief vandag my blog vriende, hou hulle veilig onder U vlerk, en dankie Liewe Heer vir die geleentheid wat ek vandag het om vir elkeen van hulle te kan sê dat hulle spesiaal en kosbaar is, Seën hulle en almal wat hulle aangaan. Seën hulle ook in hulle werk en vir die persoon wat elkeen van hulle is-
in Jesus se Naam

MOOI DAG...

Ouderwets.

2009-10-14T07:41:00.003+02:00

Word ek in die week daarvan beskuldig dat ek "ouderwets" is...
En dit nadat sy by my kom aanklop het vir raad - aangesien haar ma haar nie verstaan en niks gun nie!
Haar ma keur nie haar verhouding met haar kollega wat "bitter ongelukkig getroud is" goed nie... preek glo tydig en ontydig vir haar daaroor...
Ons leef immers nie meer in toeka se dae nie tannie... daag sy my uit.

Nee, dis waar antwoord ek haar - in die ou tyd was daar baie taboes...
Maar vandag... maak en breek ons die weg oop na die ewige liefde, en so van die een geliefde jol ons deur na die volgende geliefde en die se traumas -

En tog, en tog had toeka se dae se mense nog respek gehad vir mekaar se huwelike en die se genote. Jou eer was op die spel, die mense om jou in ag geneem en die gemeenskap se aansien van allerbelang...
Ouderwtse huwelike het gehou en gehou en gehou...

Jammer jong dat jy nou nie by my gekry het wat jy so graag sou wou hoor nie!

Anette se verhaal...

2009-10-08T14:08:00.002+02:00

Hierdie is n ware verhaal, ek plaas dit met Anette se toestemming.
Dankie Anette vir die vertoue wat jy in my plaas om jou verhaal hier te vertel... ek verseker jou dat elkeen wat hier lees met liefde en deernis kommentaar sal lewer.

Partykeer trou n mens omdat jy 18 en dom is. Dan kom jy agter hoe erg dit is om arm te wees, al is jy saam met die een wat jy liefhet. En dan kry jy werk omdat jy slim is. En dan pleeg jy bedrog. Omdat jy dom is...
Anette pleeg bedrog toe sy sien hoe swaar haar man kry. Sy steel n aardige bedraggie. Haar man begin goed leef. En die twee kinders wat gebore word ook. Maar nou ja, sy word gevang. Dit vat tien jaar, maar hulle vang haar. En sy kry vyf jaar tronkstraf.

Die mense by die kerk kan dit nie glo nie. Sy is ondervoorsitter van die jongvrouevereniging. Diaken en als. Getrou in die erediens en by die biduur... So n klomp geld gesteel? Hulle skud die kop... En tog, sê die dominee, gaan ons vir haar geld gee om in die tronk te studeer. As sy haar graad daar kry is almal beter daaraan toe wanneer sy uitkom...

Sy sit lank voor sy uitkom. Toe sy uitkom, weet sy sommer... Haar man het n vriendin. Hy het die vriendin al gehad voor sy tronk toe is. Dit was toe al die tyd om die vriendin te onderhou dat ek die geld moes steel, vertel Anette my bitter.
Anette is nou veertig , geleerd en vry.
Wat nou? vra sy my met angs in haar oë - Ek het n paar grade, maar ek het nie werk nie. Ek sit hier by die hospitaal vir gratis medisyne. Ek het bloeddruk probleme en is op antidepressante.
SAL DIE HERE VIR MY SORG?

Leef vir vandag

2009-10-05T14:07:00.002+02:00

Hoe gereeld hoor mens die volgende in mense se allerdaagse gesprekke -
Waar gaan ons geld kry om die huispaaiement te dek?
Waar gaan ons geld kry om kos te koop?
Wanneer gaan ons weer op ons voete kom?
Waar gaan alles eindig?
AL DIE ONSEKERHEID OOR GELD MAAK MENS MOEG!

Tot n paar maande gelede het ek en Willie ook van maand tot maand geleef, maar deesdae leef ons vir nou, vir vandag.
Om ons elke dag oor die einde van die maand te bekommer is net nie die moeite werd nie!
Ons bekommer, maar weet nie eers of ons more nog leef nie... Ons mors soveel tyd op bekommernisse, dat ons vergeet waaroor die lewe regtig gaan!
Solank ek my man by my het - weet dat my kind gelukkig en gesond is - my klein hondjie kan vertroetel en die Here in my hart en lewe het, het ek niks meer nodig nie!
Die Here voorsien elke dag wat ek nodig het, niks meer en niks minder nie. Solank ek op Hom vertrou - sorg Hy vir my!
Moenie oor die einde van die maand bekommer nie...jy mis op die kosbare dinge van die lewe uit!

My Hande

2009-10-01T16:25:00.002+02:00

Vandag kyk ek na my hande en besef ek het hulle lief.
My hande het al baie van my trane afgevee.
My hande dra met liefde die ring wat my man aan my vinger gesteek het.
My hande het my kind getroos as hy hartseer was en hom met liefde vasgehou.
My hande voed my gesin en sorg dat daar skoon klere en n huis is.
My hande hou my Bybel vas, terwyl ek daagliks pitkos daaruit haal.
Vandag sit ek my hande saam en bid dat die Here my en almal wat ek liefhet, sal vashou en bewaar.
Eendag gaan ek my hande in die Here se hand sit wanneer Hy my na sy ewige woning neem.
Here, dankie vir my hande.

Moeg en Moedeloos?

2009-09-26T08:27:00.002+02:00

Dit is al wat vir my werk!

Keuses

2009-09-23T07:33:00.001+02:00

Sal graag wil hoor wat jy sou kies...

Ons is hier om te leer

2009-09-22T06:49:00.002+02:00

Die merkwardige Helen Keller het by geleentheid gesê: "Die lewe bestaan uit n reeks lesse wat op mekaar volg; ons moet dit eers leef om dit te kan verstaan".

WEET JY DIE VOLGENDE?

* Twee mense kan na presies dieselfde ding kyk, maar elkeen kan iets anders sien.
* Dit is nie net nodig dat ander jou soms moet vergewe nie. Jy moet ook leer om jouself te vergewe.
* Jy is in beheer van jou eie geluk, niemand anders nie.
* Al is n situasie hoe sleg, dit gaan verander.
* Ware vriendskap hou aan om te groei, al word dit deur afstand geskei. Dieselfde geld vir ware liefde.
* Jy kan iets in n oomblik sê of doen wat jy vir n leeftyd gaan berou.
* Soms het jy die reg om kwaad te word, maar jy het nooit die reg om wreed te wees nie.
* Jou lewe kan in n oogwink verander word deur mense wat jy nie eers ken nie.
* Dit neem jare om iemand se vertroue te wen, maar net sekondes om dit te vernietig.
* Dit maak nie saak hoeveel jy vir iemand anders omgee nie, partykeer gaan hulle net nie dieselfde voel nie.
* Ons agtergrond en omstandighede het n invloed op wie ons is, maar ons is self verantwoordelik vir die mens wat ons uiteindelik word.
* Slegte dinge gebeur soms met goeie mense.
* Tyd genees alle wonde, dit maak nie saak hoe stukkend jy op die oomblik is nie.
* Glo in wonderwerke.
* Maak vrede met jou verlede, en moenie toelaat dat dit jou hede opmors nie.
* As n verhouding geheim gehou behoort te word, moet jy nie in daardie verhouding wees nie.

Armoede

2009-09-16T13:43:00.004+02:00

Nadat ek nou al dae lank spook met die vroutjie by die verkeerslig... moes ek gister baie teen my wil skeidsregter en vredemaker speel tussen n ma en dogter wie se griewe handuit geruk het.
Seermaak woorde is heen en weer geslinger - jare se seerkry is in woorde en verwyte omgesit...
Op n stadium kon ek net hulle staar en wonder...

Hoeveel grade van armoede is daar nie in die ou lewe nie? Die een as gevolg van te min geld. Die ander as gevolg van te min begrip en aanvaarding. Dan ook as gevolg van te min nederigheid en meelewendheid. Ook as gevolg van n gebrek aan lewensvreugde om te deel met n milde hand van liefde. Te min tyd vir God en sy gebod in die binnekamer wanneer jy hand in eie boesem moet steek - dit maak van die mens die armoedigste skepsel denkbaar!

Huiswerk

2009-09-15T11:38:00.005+02:00

Ek is so effens agter op die blogs en vra groot verskoning dat ek nou eers by my huiswerk uitkom.
Ek is deur Charmaine en Sonja getag om hulle in EEN woord te beskryf...

Charmaine:
Ek is bevoorreg om Charmaine al persoonlik te kon ontmoet en dit is regtig vir my onmoontlik om haar in net een woord te beskryf - so ek gaan probeer om van n klomp woorde een te maak...
Sy is n ...
steunpilaar in pyn
n vuurhoutjie en n olielamp wanneer jy in die donker rondstrompel
n skouer om op te huil wanneer die wereld jou soms druk
n hand wat weet wanneer om jou vas te hou, en wanneer om vir jou n roos te pluk
Saamgevat...
sy is n houtbruggie bo-oor alleenheid.
Lief jou vriendin!

Sonja:
Ken ek nog nie lank op die blog nie maar sy is vir my soos my ouma se ou opgepofde vere kombers... werklik n sagte landings plekkie.
Dankie vir al die liefde wat jy so ongevraagd gee Sonja!

Omdat Oom Petrus al blog maat is wat my werklik ken tag ek hom om my in net een woord te beskryf.

Hoe sê ek vir God dankie?

2009-09-08T07:13:00.003+02:00

Ek is oppad om vir Willie werk toe te vat en die oggend verkeer sloer. My oog vang die vrou wat by die verkeerslig staan, sy hou n kartonbord krampagtig vas, en dit lees:
"Ek het nie werk nie, het drie kinders. Help my asseblief!"...
Die verkeer sleep voort en die kartonbord-vrou bly in my gedagtes. Sy dwing my om na my eie lewe te kyk en in die oomblik oorval die wete van God se genade my.
Sy guns was my beskore my hele lewe lank en ek is so dankbaar daarvoor!
Maar hoe sê mens dankie vir God? Ek kan Hom niks gee wat nie reeds Syne is nie. Hy is immers die Skepper van die heelal. Vir n vriendin kan ek blomme of gevleulde woorde stuur, maar hoe gemaak met die Skepper van die heelal?

Matteus 25 kom onwillekeurig by my op "Dit verseker ek julle: Vir sover julle dit aan een van die geringstes van hierdie broers van My gedoen het, het julle dit aan My gedoen."
Ek sien die kartonbord-vrou se gesig flussies voor my. Jesus identifiseer in hierdie gedeelte met hulpbehoewendes, ellendiges en geringstes. Wat ek vir hierdie mense doen, doen ek vir Jesus!
So kan ek konkreet dankie sê, tref die gedagte my.
Wat ek gee hoef ook nie noodwendig goed of geld te wees nie, dit kan ook liefde, geduld en diensbaarheid wees wat ek uitdeel...

Here dankie vir al die onverdiende voorregte wat my eie is, gee my n hart vir mense wat behoeftig is en gee my asseblief die vermoë om hulle te help.

Versoek van n kind

2009-09-01T10:13:00.003+02:00

* My handjies is klein, moet asseblief nie van my verwag om so sterk soos pappa of mamma te wees nie.
* My vingertjies is nog bietjie dom en dalk sal ek iets laat val, moenie op my skree nie.
* My ore het nog nie baie gehoor nie, praat tog mooi saggies met my.
* My bene is nog kort en swak, loop net n bietjie stadiger.
* My arms is nie so groot en sterk soos julle arms nie, verstaan tog as ek sukkel om groot goed te dra.
* My klein probleme is vir my groot probleme, moenie daavoor of daaroor lag nie.
* My hartjie is baie klein, piets my as ek stout is, maar raas maak my baie bang.
* My denke is oop en teer, beskerm my tog van verkeerde invloede.
* My hartjie is nog rein en vertrouend, moet tog nie vir my jok nie.
* My magie is klein, skep net n bietjie kos vir my in my bordjie.
* My hele lewe is nog teer en ongevorm, vorm my tog met baie soentjies en drukkies.

Vader help my asseblief om in hierdie lentemaand U liefdesinstrument in n seer kindjie se lewe te kan wees.

Die Meesterhand

2009-08-31T05:57:00.003+02:00

Daar is dinge in die lewe wat n mens stom maak...

Die dood van n geliefde is een van daardie dinge. En in sulke tye leer ons almal om die knie te buig voor die Groter Mag wat beheer oor ons lewens het.

Baie dankie aan elkeen vir julle gebede en boodskappe van bemoediging - dit word opreg wardeer.
Daar is nog baie trane by ons - maar dit is stil trane; trane sonder verset, en daarom helend.

Ek sal nog n tydjie lank stil wees hier op my blog...
Ons moet almal maar eers weer terugkom na die son toe en kom vrede maak met die Meesterhand.

Doodstyding

2009-08-25T06:24:00.004+02:00

Snaaks hoe n skielike doodstyding jou met daardie lam, winduit gevoel op die krop van jou maag laat...
My sus se man is baie skielik gistermiddag by sy werk aan n hartaanval oorlede.

Susan, Jacques, Vicky , Kobus en klein Dewet:
Ons innige simpatie met jul groot verlies. Mag julle God se liefde en vrede ervaar in die dae wat voorlê. Ons bid julle sterkte toe.

Aan almal baie dankie vir julle liefde en simpatie, ons wardeer dit opreg - bid asb vir hierdie gesin die begrafnis is vrydag.

Geduld

2009-08-20T09:41:00.002+02:00

Thomas A Kempis, n priester en skrywer, het gesê: "As jy nie die lewe met vreugde kan leef nie, doen dit ten minste met geduld".

Toe ek dit lees kon ek nie help om te wonder of soveel van ons landgenote se ongeduld nie juis toe te skryf is aan die feit dat hulle sielsongelukkig en onvergenoegd is nie.
My eie lewe het my geleer hoe ongelukkiger ek met my omstandighede is en hoe meer ek met n Martie Martel houding rondloop, hoe minder tyd - en geduld - het ek vir ander mense en die daaglikse eise van die lewe.
Wanneer ek egter my kop skoonmaak en myself met n kombers van kalmte, liefde en welwillendheid toevou, hoe minder ontsteld raak ek oor dinge.

Ons onvergenoegdheid en gepaardgaande selfsug slaan oor in arrogansie en ongeduld wat gesien kan word in die wyse waarop ons bestuur, die respek (of gebrek daaraan) wat ons vir ander mense openbaar en die onverskilligheid waarmee ons deur die lewe gaan.
Ons almal droom van n utopia waar liefde, respek en omgee teenwoordig is, maar ons verwag dat ander mense hul houdings en denke moet verander ten einde ons te akkommodeer, sonder dat ons bereid is om self iets daaraan te doen.

Die eerste stap na sukses/genesing/nuwe denke/gewoontes, begin altyd by jouself. Gaan soek daardie plekkie in jou binneste waar jy vrede en genoegdoening ervaar en begin met dankbaarheid en liefde leef. Sodra jy die lewe se vreugdes kan sien en ervaar, sal daar beslis n groter behoefte wees om met omgee deur jou dag te gaan, wat beteken jy sal ook met meer geduld funksioneer...

"Die vrug van die Gees daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing".
-Gal 5:22-23

Laat sak tog die maskers...

2009-08-18T11:30:00.003+02:00

In ons daaglikse lewe skuil ons so dikwels agter n masker. Hierdie maskers is nie die soort wat jy met n maskerade gaan opsit nie - Dit is bloot n mens wat jyself skep en waaragter jy skuil.

Ons neem van vroeg af alles wat ons hoor in, posetief sowel as negatief, en dan internaliseer ons mense se reaksie op ons aksies en ons weeg onsself daarteen op.
Omdat 80% van mense se terugvoer negatiewe terugvoer is, is dit geen wonder ons persepsie van onsself sluit dinge in soos: "Ek is dom", "Ek is lelik", "Ek is n mislukking".

Hoe dikwels dra gewone ordentlike, vredeliewende, beskaafde mense maskers - hulle ry die duurste motors, bly in die mooiste huise, het universiteitsgrade, verdien goeie salarisse.
Maar voorkoms is soms misleidend...
Want agter die masker van fatsoenlikheid, sukses en beskaafdheid, skuil daar leegheid, innerlike doodsheid, sluimer die vrees van: "Ek is nie goed genoeg nie"!

Wil mense hulself bloot emosioneel "beskerm" deur die dra van n masker? Ons leef immers in n stukkende wereld. n Wereld wat vuisvoos geraak het van emosionele slae en psigiese manipulasie. Wil mense van die trauma ontkom deur maskers te dra... of wil mense bloot net die gevoel van :"Ek is nie goed genoeg nie" wegsteek?
Wil hulle ten alle koste keer dat die wereld nie die rou seer moet raaksien nie... want in die oe van die wereld is jy mos n "swakkeling" as jy nie kan "cope" nie!...
En daarom laai ons deur die jare net meer bykomstighede by - dinge wat die maskers meer geloofwaardig moet maak... nog n graad, miskien n blinker motor of groter huis...
Maar uiteindelik word die maskers so swaar, ons kan dit nie meer dra nie!

"Faith"

2009-08-14T07:15:00.008+02:00

Meeste van julle het seker al van "Faith" gehoor of gelees - maar ek glo nie n 2de keer sal skade doen nie!

Dit is "Faith"

Hy is op Kersaand 2002 gebore met 3 bene - 2 gesonde agterbene en 1 abnormale voorbeen wat geamputeer moes word. Sy ma het hom probeer versmoor toe hy gebore is.
Sy eerste eienaar wou hom laat uitsit...

... maar toe kruis sy pad met Jude Stringfellow. Sy het hom aangeneem en was oortuig dat sy hierdie hond kan leer om op sy eie oor die weg te kom.
Sy het hom "Faith" gedoop.
In die begin het sy "Faith" met n lepel vol "peanut butter" geleer om op sy agterbene te staan en te spring vir beweging.
Na slegs 6 maande se intense afrigting in die sneeu, kon "Faith" op sy agterbene loop soos n mens.Daar is maar altyd onverstaanbare dinge in die lewe...Hierdie hond se verhaal het my weer laat besef:
"With a little faith"!

Veels Geluk Willie

2009-08-12T06:36:00.002+02:00

Vandag bevind jy jou op die drumpel van n nuwe lewensjaar...

Ek sou die heeldag saam met jou wou deurbring en seker maak jy's gelukkig en veilig, toe sê die Heer ek moet terugstaan...
Hy doen dit elke dag!

Baie Geluk met jou verjaarsdag my liefste man, mag hierdie lewensjaar jou beste nog wees!

Hemelse Vader,
Dankie dat ons nog n nuwe lewensjaar saam met Willie kan ingaan, vat U asseblief in hierdie nuwe jaar sy hand en loop U saam met hom.
Vader, U ken my onrus vanmore oor die vreeslike hoë bloedsuiker waarmee hy weer sukkel, ek gee dit nou vir U my Vader.
Amen

Uitnodiging

2009-08-11T06:21:00.003+02:00

14 Augustus '09
19h00
Cornwall Hill College
Nellmapius Drive, Irene

15 Augustus '09
19h00
Unisa
(zk mathews hall - previously old mutual hall)

Free entrance

INFO:
Amanda 0822223338
Cisca 0825902244

Vrouedag

2009-08-09T08:53:00.004+02:00

Hy bring my na waters waar daar vrede is. Hy gee my nuwe krag.
(Psalm 23:2-3)

Vandag kom sê die Hemelse Vader vir jou:
Liewe vrou - van - vandag,
Ek het jou lief! Kom na My toe en vertel My van al jou vrou - wees - stoei,
jou besig wees en al die eise wat jou lewe soms onmoontlik maak.
Omdat jy vir My kosbaar is, wil Ek jou help swem in jou sroomversnellende lewe...
en jou na waters waar vrede is, lei!

Etiket

2009-08-07T09:54:00.002+02:00

Veral in Suid - Afrika waar ons soveel verskillende kulture met hul eie etiket het - wonder mens dikwels wat is onbeskof en wat is goeie maniere?
Tye het egter verander en net soos alles moet etiket seker ook aanpas.
Maar...

Asseblief en Dankie:
Sal nooit uit die mode raak nie en hoort in elke opgevoede mens se woordeskat.

Respek:
Die grootste onderliggende beginsel van goeie maniere is respek vir ander - dan sal dit nie saak maak as julle kulture en begrip van etiket verskil nie.

Groet:
In alle kulture is groet n belangrike manier om respek te betoon. "Aangename kennis" by n eerste ontmoeting klink nog steeds soveel beter as "Hoezit , Bra"

Persoonlike higiëne:
Hoort in privaatheid gedoen te word. Moet dus nie in die openbaar in jou neus, ore, tande of ander plekke krap nie!

Stiptelikheid:
Deur betyds vir n afspraak op te daag, respekteer jy die ander persoon se tyd. Laat weet as jy laat gaan wees.

X@#$:
Vuiltaal of vloek is nooit etiket nie. So ook suggestiewe opmerkings!

Tye het verseker verander, maar goeie maniere bly belangrik!

Wie is ek ?

2009-08-06T09:22:00.002+02:00

Stop hier gereeld n vreeslike "fansy" kar voor ons gebou - (ek vermoed hy kuier by een van die woonhuise aan die oorkant van die pad) - maar dit is nie die "fancy" kar wat my vandag hier laat skryf nie - nee dit is die nommerplaat... daarop staan: "Who am I?"

Dat iemand wat in so n "fancy" kar ry moet wonder wie hy is - is vir my een te veel...
Ek wou al n paar keer vir die persoon by sy kar wag en sé: "My liewe mens, ek het geen idee wie jy is nie. Kan jy nie dalk vaagweg onthou waar jy grootgeword het nie, of jy broers en susters gehad het nie, of jy dalk al getroud was nie, indien wel wat jou vrou se nooiensvan was nie - of net iets - want ek is bereid om jou te help soek na wie jy nou regtig is"

Wie weet, dalk het die man sy naam weggegooi? of dalk het hy dit op n weddenskap verloor, of dalk n oneerlike saketransaksie? Ek het nou al die scenaroi's deurgetrap - baie antwoorde oorweeg - maar ek weet ook nie wie hy is nie!

Jou al self in die spieël gekyk en gewonder - WIE IS EK?
Satan jou ook al die gevoel van "WHO AM I" laat ervaar?
Gister vir hom die volgende nota in sy "fancy" kar se ruitveer gelos -
Dit gaan nie oor wie jy is nie, dit gaan oor wie jy in Jesus is...
Jy is n Koningskind, n begenadige, iemand vir wie Jesus gesterf het!

En daarmee vir myself gevra - En jy? Weet jy wie jy is?

Eerlikheid

2009-08-04T16:00:00.002+02:00

Ek moes so n tydjie terug een van die buurvroutjies neem vir noodsaaklike inkopies. Besig om haar sakkies in die motor se kattebak te pak - nader hy ons...

Jy sien sy motiewe sommer met die eerste oogopslag. Daardie kyk in sy oë draai geen doekies om nie. Jy kan maar voorgee dat hy nie bestaan nie en selfs geen verdere oogkontak maak nie, maar daar is geen manier dat jy nie gekonfronteer gaan word nie...

"Madam' skop hy af.
"Kan ek asseblief net iets vir die madam vertel?"
Hy sê: "Madam weet, dinge is baie tuff hierdie dae. Ek het kinders in die skool wat moet boeke, klere en kos kry. Soos madam seker self weet is hierdie dinge baie duur en my geld is nou op"
"Ek wil graag vir my net n sixpack koop, vir die stress madam weet. Wil madam nie asseblief help nie?"

Ek is sprakeloos toe sy sowaar die man in sy kwaad help!
Dalk moes jy eerder vir hom n sespak melk gekoop het... sê ek hardop.
Nee sê sy sowaar - die man het nie doekies omgedraai nie, hy was blatant eerlik oor sy behoefte...

En net daar besef ek dit gaan veel dieper as dit.
Want eerlikheid het een vername eienskap... DIT MAAK VRY!
Vry van skuldgevoelens, vry van emosionele bindinge.
Dit bring heling. Breek mure af. Bou verhoudings en vertroue. Gee nuwe geleenthede.

Solank jy nie eerlik is nie, is jy n slaaf, n gevangene, vasgeboei in kettings...

Wonder wat sou hy in vandag se tyd gemaak het?

2009-08-03T16:33:00.002+02:00

Bill Norton, the bathing beach policeman, measuring the distance between knee and bathing suit on woman in Washington D.C.
Sherrell the Superindent of Public Buildings and Grounds, issued an order that bathing suits at the Washington bathing beach must not be over six inches above the knee.

Photo from the National Photo Company Collection. 1922

Huwelike

2009-08-01T15:23:00.003+02:00

Ek doen n ernstige beroep op elkeen wat hier lees om in hierdie maand spesiaal te bid vir huwelike.
My persoonlike oortuiging is - die duiwel se gunsteling iets om aan te val is die huwelik.
Hoeveel pyn en hartseer veroorsaak hy net nie daardeur nie!
Kom ons vat hierdie Augustus hande en bid vir almal se huwelike -
Die wat goed is en die huwelike waar daar probleme is.

Liewe Vader, ek kom voor U vandag en vra dat U ons huwelike sal seen en sal beskerm teen alle aanvalle wat die satan mag uitdink.
Seen elkeen van ons se huweliksmaats. Ek bid vir die huwelike waar daar probleme is, hulle kom lê ek spesiaal aan U voete - hou ons veilig en trek vir ons die beskerming aan wat ons nodig het.
Ek bid ook vandag vir die mense wat alleen staan en wie se huweliksmaats U nie aanbid nie.
Ek bid U seen, voorspoed, krag, liefde en die BLOED VAN JESUS oor almal van ons se Huwelike.
Dankie Liewe Vader vir al U Genade en Seen oor en in elkeen van ons se lewens en huwelike.
Dankie dat U altyd ons Rots en Toevlug is.
Amen

Klein Rakker

2009-07-30T07:30:00.003+02:00

Ek kry vreeslik baie navraag oor hoe dit met hierdie klein stouter - kabouter gaan. En daarom gee ek gou n "update" hier.

Hy is nou 4maande oud en baie lewendig, hy is versot op sy mandjie en steek ook al sy gunsteling goedjies daar weg.
Ek het al daar uitgehaal: - my selfoon, battery laaier, pantoffels, sokkies...
Sy gunseling kuierplekkie is bo-op Willie se skouer en ek noem dit sy "Lazy-Boy"
Dit gaan baie goed met hom en met ons. Hy hou my goed besig en ek slaap sommige aande al lank voor hy onder sy kombersie inwoel!

Smeer salf aan...

2009-07-29T07:12:00.002+02:00

Ek merk die pyn op haar gesig en hoe mank sy stap terwyl sy tussen die tafels rondbeweeg om kliënte te bedien.
Ek hoor hoe iemand vir haar vra wat makeer. Sy het haar voet geswik. Ek sien dit moet erg wees aan die manier hoe sy stap...
"Jong jy moet iets aansmeer of n pilletjie drink" sê een van haar kliënte - "Ja" sê sy met n verleë glimlag.

Iemand verskoon haarself van n ander tafel en loop uit. Minute later kom sy terug met n pakkie in haar hand. Seker gou iets gaan koop , dink ek. Die persoon oorhandig die pakkie aan die kelnerin en sê; "Hierso smeer die salf aan, dit sal help"

My gedagtes is stilgeruk, ek dink aan die woorde in Jacobus - en sê nou een van julle sou vir hulle sê: Mag dit met julle goed gaan, trek warm aan en eet genoeg, maar julle gee nie vir hulle wat hulle nodig het om van te lewe nie, wat help dit dan?

Hoe maklik sê ons nie ook soms - "laat dit met julle goed gaan, slaap warm en eet genoeg" - dan draai ons bloot om en gaan aan met ons lewens.
Hierdie meisie werk in die Wimpy, verdien dalk n tip van R5.00 per tafel - moet die hele skof met n pynlike enkel rondloop ...
Maar iemand kom en sit woorde om in aksie en iets gebeur; - pyn word verlig!

Liefde

2009-07-28T07:26:00.002+02:00

Hoe lyk liefde Here? vra iemand.
Jesus glimlag en antwoord:

Liefde het gewillige hande om laste te dra.
Voete om vertrapte mense na die troon van liefde te dra.
Oë om stukkendes raak te sien.
Ore om die noodkreet van verdwaaldes te hoor.
n Mond om te vertroos en stukkend weer heel te soen.
Kniee om maklik te buig.
Arms om te omhels met warmte.
Harte wat plek maak vir verwerptes.
Lippe wat Sy woord oordra met sagtheid!

Mag jy elke dag Liefde ervaar.

Kom ons lag n slag!

2009-07-27T07:05:00.004+02:00

Na al die beswaardhede op my blog die laaste tyd het ek gedink julle sal hierdie een ook geniet...Ek kyk my vrou op n dag so en se: "Liefie, toe ons 30jaar gelede getroud is, het ons n goedkoop woonstel en n goedkoop kar gehad. Ons het op n sofabed geslaap en na n swart en wit TV stel gekyk. Maar ek het elke aand by n vuurwarm blondine in die kooi geklim. Nou het ons n mooi huis, n mooi kar en n plasma TV skerm. Maar ek slaap elke aand by n vrou van 55. Ek dink nie jy bring jou kant nie."

My vrou is n baie redelike mens. Sy se toe ek moet gaan en vir my n warmbloedige 25-jarige blondine soek. Dan sal sy wat my vrou is, seker maak dat ek weer in n goedkoop woonstel bly, in n goedkoop kar ry, op n sofabed slaap en na n klein swart en wit TV kyk.

Ouer vroue is briljant! Hulle weet presies hoe om jou middeljare krisis op te los!

Liané

2009-07-24T07:21:00.005+02:00

Hierdie Pragtige klein Liefsteling is Dinsdag 21Julie 2009 gebore. Sy is Oom Pertus en skoonsus se eerste kleinkind.

Baie Geluk Stefan en Madie met die bondeltjie vreugde wat deur ons Almagtige Vader aan julle geskenk is.
Min slaap en sukkel gaan gelukkig gou verby - maar die vreugde bly!
Sterkte met julle huislike en ouer take.

Die krag van gebed

2009-07-22T07:09:00.004+02:00

Jacobus het geweet hoe groot die krag van gebed is. Ongelukkig ervaar ons dit nie meer so nie - nie omdat gebed kragteloos geword het nie, maar omdat ons geloof so klein is dat ons huiwer om God in gebed uit te daag om ons versoeke te laat waar word! Niemand kan glo hoe kragtig gebed is en wat dit kan laat gebeur nie, behalwe hulle wat persoonlike ervarings daarvan het.

Baie dankie aan elkeen wat saam met ons gebid het die afgelope maand... Willie het gister werk gekry en het al vanoggend begin werk!
GOD IS MIGHTY SLOW... BUT HE IS NEVER LATE!
Marius was al besig om ons trek te reel na sy huis in Pretoria - stoorplek vir ons meubels te reel - My twee Engele uit die woestyn het al die trek betaal...
Maar God se tyd is nie ons tyd nie!
Willie het werk in sy ambag gekry - ons hoef nie te verhuis nie - en toe ek gisteraand vir Marius se dat ons dit nie verdien nie, was sy antwoord net: GENADE IS VERNIET MY MA!
( Hierdie kind van my gaan ook nou deur n baie moeilike en seer tyd - en ek vra dat julle asseblief vir hom ook sal intree by die Vader.)

Hemelse Vader,
ek loof U vir die voorreg om tot U in gebed te mag nader. Ek dank U dat U steeds wonders doen vir mense wat volgens U wil bid.
Dankie vir die bevestiging dat ek deur gebed die wereld om my posetief kan verander - omdat absoluut niks vir U onmoontlik is nie.
Amen.

Kom ons bly asseblief bid vir die groot aantal mense in ons land wat steeds sonder werk is.

n Nuwe lewe:
Baie Geluk Oom Petrus, Skoonsus, Stefan en Madie met die pragtige dogtertjie wat gister vir julle gebore is. Mag sy vir julle n groot vreugde wees!
Ons bid haar toe - Liefde, Geluk en Gesondheid heel haar lewe!

My Handskrif

2009-07-21T08:05:00.003+02:00

Ek is deur Thea ge-tag om my handskrif te wys. Ek gebruik my selfoon kamera so ek hoop en vertrou dat dit wat ek hier geskryf het leesbaar sal wees.
Ek tag vir Miekie as sy nog nie getag is nie.

Engele om ons

2009-07-20T07:57:00.003+02:00

Daar is oral Engele om ons!
Want ons lewenspaaie loop nie altyd gelyk.

Daar is Engele gestuur om ons te help as ons val,
om te troos in ons donker dal.

Daar is n Engel in n...
Kleuter se lag
Vriend se arms
Vriendin se verstaan
Ma se oe
Op n broer se skouer
Suster se hart...
Die teerheid waarmee n seun jou vashou.

Ons moet net ons oe oopmaak en kyk!

Werk

2009-07-14T07:23:00.003+02:00

Omdat ek maar skaars is hier op my en ander se blogs, bring ek net gou vir almal wat belangstel en navraag doen n "update" van ons vordering met die werksoek...

Ongelukkig het ons nog nie reggekom met werk nie - ons gee egter nie op nie, ons bly soek!

Baie dankie aan almal wat e-pos, sms of bel om ons te bemoedig. Baie dankie ook aan almal wat saam met ons uitkyk vir iets... ons wardeer dit baie!
Daar is wel diegene wat ons nou totaal en al ignoreer - ons verstaan en hou dit nie teen julle nie!
Dan is daar die wat probeer om ons positiewe gesindheid te veroordeel...
Een so n persoon het gister gevra of ons dan nie besef dat ons - "down and out" is nie? en dat as ons aanhou met hierdie "don't care" houding van ons, ons binnekort in die "gutter" gaan beland!
Hierdie persoon se woorde aan my was: Julle is sonder werk en sonder inkomste mens!, positief gaan julle nie vol maak of julle rekeninge betaal nie...

Ons besef maar terdee dat ons en baie ander, sonder werk is... en glo my - almal van ons is diep bekommerd oor basiese dinge soos verblyf en etes.
Maar ek kies egter om positief te bly - om my geloof te behou!
Werk is identiteit... Ek weet!

Baie Dankie

2009-07-05T10:21:00.003+02:00

Aan almal - vriende, familie en blogvriende wat navraag doen en belangstelling toon in ons huide dilemma...

Ons is vir die derde keer binne n jaar sonder werk. Ons is bekommerd want dit is net menslik, maar ons is nie moedeloos en sonder hoop nie.
Ons vra dat julle ons asseblief sal dra in gebed want dit is die grootste liefdesdaad wat ons aan mekaar kan betoon.

Willie en myself sal dit baie wardeer indien julle ons sal kontak by my e-pos adress ; nwlourens@gmail.com sou julle dalk moontlik van werk hoor in die Gauteng gebied.
Willie kan die volgende doen:
Grader
Backactor
Tipper Trok
Hy het n kode 14 + pdp (publieke) lisensie
Kan ook -
Milling Machine
Pofile cutter
Procision grinder

Ekself het redelik baie admin ondervinding.

Weereens dankie aan elkeen van julle vir die liefde wat julle ons mee toevou.

Vader,
ek is nie baie goed om verandering in my lewe te hanteer nie. Hierdie huidige verandering is vir my uiters stresvol.
Ek besef dat ek nou kan kerm en kla of U kan loof vir die goeie dinge wat nog kan kom.
In plaas daarvan om te brom en my te bekommer wag ek eerder op U hulp en leiding.
U ken ons behoeftes en begeertes tydens hierdie verandering, en ons vertrou op U om ons te lei volgens U wil.
Amen

Kalmte

2009-06-30T07:35:00.002+02:00

God, skenk my die kalmte om die dinge te aanvaar wat ek nie kan verander nie,
die moed om die dinge te verander wat ek kan en die wysheid om te weet wat die verskil is.

Hemelse Vader,
Ek bid in hierdie oggend dat U vir my die kalmte sal skenk om die dinge te aanvaar wat ek nie kan verander nie, die moed om die dinge te verander wat ek wel kan en die wysheid om die verskil tussen die twee te ken.
Maak asseblief die innerlike onrus wat so deel van my geword het stil en vervang dit met U vrede en kalmte.
Amen.