Tuesday, December 23, 2008

Kersboodskap 2008

Die jaar 2008 eindig op n interessante en uitdagende noot. Wereldwyd steier ekonomiee, en word woorde soos resessie en depressie reeds (versigtig) gebruik.

Voedselpryse het ongekende hoogtes ingeskiet en Jan en alleman sukkel om te midde van hoe inflasie, rentekoerse, heffings en brandstofpryse kop bo water te hou.
Dit is egter veral verwikkelinge op politieke gebied wat die vloeibaarheid van ons situasie onderstreep.
Ons staatspresident is oornag vervang en nuwe rolspslers het portefeuljes oorgeneem. Die party wat nou regeer tot en met die wederkoms van Jesus Christus (volgens hul eie uitspraak) steier tans onder die aanslag van nuwe politieke bewegings.

Maatskaplike probleme soos misdaad en geweld, armoede en werkloosheid, behuisingsprobleme en omgewingskwessies, Vigs geletterdheid ens, is steeds met ons. Volgens n onlangse berig in die Beeld is die lewensverwagting van S A mans skaars 47 met vroue effe gesonder.
Ons geletterdheidspeil is selfs laer as die van Zimbabwe.

Zenofobiese aanvalle verraai mense se onsekerheid en navorsing nav onnatuurlike sterftes in Suid Afrika wys op die onsekerheid, vrees en aggressie onder ons mense.

Aan die ander kant is daar tekens van n geestelike ontwaking
Verskeie stadionbyeenkomste laat gesoute teoloe en predikers vra wat n "gewone" boer se geheim is dat tienduisende mense saamtrek om God te aanbid.
Duisende manne daag op vir n saamtrek op Greytown terwyl nagenoeg 200 000 mans by volgende jaar se Mighty Men Conference verwag word.
Woorde soos herlewing word kwitsig gebruik en sommige gelowiges glo dat die wederkoms voor die deur is...

Oor twee dae is dit kersfees, eerder Christusfees.
Ons word opnuut bewus van God wat Sy hemelse woning verlaat om met ons in ons nood te identifiseer.
Ons leer Hom ken wat die belange van die wat swaarkry in besonder op die hart dra. Ons hoor Sy roepstem dat ons in en deur die Krag van sy Gees Koningkryksverteenwoordigers sal wees. Soos Sy Vader Hom gestuur het en Hy gehoorsaam was word ons geroep om eweneens te gaan en te vertel, te versorg en te genees.
Die swier en uitspattigheid wat menige kersjoligheid kenmerk is ver verwyderd van die eenvoud van n onwelriekende stal.
Hy kon gekies het om in goudgedrapeerde linne in n paleis sy verkyning te maak. Hy het egter nie.
Hy het in ons eenvoud kom indaal en ons kom uitnooi om Hom te volg.
Mag ons hierdie kerstyd met al sy uitdaginge die ware kersstemming uitdra.

Aan al ons vriende, familie en blogvriende:
n Geseende Christusfees.

Monday, December 22, 2008

My groot geskenk

Na die laaste trek sukkel ek gedurig met my rekenaar.
Sy kwale wissel van dag tot dag, en word by die dag ernstiger en meer gekompliseerd.
Gelukkig vir my het ek n persoonlike GPS met die naam van Marius, en so sukkel hy aand vir aand met my en die rekenaar oor die foon, ek volg sy instruksies blindelings en siedaar... ek werk weer vir n dag of twee op die siek masjientjie!

Hy kom spandeer n hele saterdag aan my siek rekenaar... ruk hier iets uit, sit daar weer iets in. En daar gaan ek en die rekenaar weer....
Maar heellaas dit hou ook net n week...

Ek bel weer, verduidelik die rekenaar praat nou slegs Chinees, weier enige iets anders!

Nee wat Moeder, sit nou maar die ou siek dingetjie af tot ek weer Saterdag by jou kan uitkom is Marius se opdrag...
Maar dit is nou eers Maandag my kind...
Jammer Moedertjie, Saterdag hoor!

So kyk ek al van vroeg Saterdag af uit vir Marius...
Hy laai n hengse groot pakkie agter uit die kar uit...
Bespring my arme siek masjientjie sonder enige simpatie.
Kul jou hier en kul jou daar en siedaar...
Staan n splinternuwe masjientjie..."uit die boks"

Nuwe alles, van die muis tot bo uit!

My liefste kind, baie dankie vir hierdie groot bederf.
Ek is baie lief vir jou en wardeer jou!
Behandel tog asseblief die ou siek masjientjie met respek , wat jy ook al met hom doen... ons het vir n jaar lank groot dinge saam gedoen en ver paaie saam geloop...
Jy weet tog hoe swaar neem ek afskeid van die ou dinge...

Thursday, December 11, 2008

Carl


Happy brr-thday to you

Happy brr-thday to you...


Hope you have a fantastic day, and a blessed year and years to come.

May the Lord shower you with blessings upon blessings and may He meet your every need and may you continue to shine Jesus' light to everyone!


Love you lots and lots


Happy brr-thday to you!

Wednesday, December 10, 2008

Liefde sonder grense

Christus se koms na hierdie wereld het vir ons iets kom wys van die omvang van God se grenslose liefde.
Ondanks Sy grootheid kies Hy om die skoot van n nederige vrou te gebruik om Sy Seun in die wereld te bring, om die blink van n paleis vir n eenvoudige stal te verruil en die Goeie Nuus sommer heel eerste aan nederige skaapwagters te bring.
Terseldetyd kon Sy boodskap die harte van hooggeplaaste sterrekundiges op so n wyse deurdring dat hulle in staat was om - ongeag hul geleerdheid - die wonder van die ware Koning te herken.
Die Betlehem baba kom se vir ons dat ons Here se liefde op asemrowende maniere verby vertoon, status, kennis en rykdom loop - en dan n tuiste vind in die harte van gewone mense, mense soos ek en jy!

Monday, December 8, 2008

Die Smit gesin se verhaal

Die situasie agter hierdie verhaal is werklik, maar die name is aangepas om die mense te beskerm. Ek plaas hierdie verhaal met hulle toestemming!

Vandat ek kan onthou het mense my gefassineer...
Waar kom ek aan hierdie verhaal?
...Dit is aan my vertel deur die dogter self ( nou al n volwasse vrou met twee tiener dogters) Sy het genadiglik oorleef en opgestaan... en elke treetjie van haar opstaan pad was seer!

Alles in die Smitte se huishouding is voorspelbaar.
Elke vrydagaand kom meneer Smit laat van die werk af. Elke vrydagaand vrees mevrou Smit hy het weer n verhouding. Elke vrydagaand begin mevrou Smit op haar dogter te skree terwyl sy op meneer Smit wag. Elke vrydagaand loop mevrou Smit weg. Elke vrydagaand kom meneer Smit laat by die huis en begin sy vrou soek. Elke vrydagaand kry meneer Smit sy vrou waar sy iewers langs die pad loop, en bring haar terug.
Elke vrydagaand maak meneer en mevrou Smit rusie. En dit duur tot Sondagaand.
Elke vrydag - tot - sondagaand sien hulle nie hoe hulle dogter daarvan bewe nie.

Een vrydagaand gebeur dit n bietjie anders. Meneer Smit werk weer laat. Mevrou Smit skree weer op haar dogter. Mevrou Smit loop weer weg. Toe meneer Smit laat by die huis kom sien hy hy moet weer sy vrou gaan soek. Hy wil eers n draai loop en pluk die badkamerdeur oop. Sy dogter le in die bad. Hy wonder vlugtig waarom sy sulke rooi badskuim gebruik. Dan hardloop hy uit agter sy vrou aan.
Toe hulle terugkom bad sy dogter nog steeds. Meneer en Mevrou Smit baklei die hele aand. En die dogter bad die hele tyd.
Meneer Smit wil nou ook bad en skree vir sy dogter om uit te klim. Hy dreig om haar te kom uitpluk, hy het nou genoeg van moeilike vroue gehad.
Hy storm by die badkamer in. Die badwater is nou baie rooi. Nou sien Meneer Smit sy dogter se oop polse.

Meneer Smit skree vir sy vrou om te kom help, maar sy het haarself weer in die slaapkamer toegesluit.
Hy verbind sy dogter se polse en sleep haar na die motor.
Toe hy wegjaag, skree sy vrou agter hom aan dat hy seker nou weer by sy flerrie gaan inkruip...

Gesinsterapie, is wat die hospitaal aanbeveel toe dit blyk dat die dogter gaan lewe. Dit was n lang en seer pad voordat hierdie gesin mekaar weer vertou het!

Miskien is dit... of miskien word dit... ook jou verhaal.

My genade is vir jou genoeg.
My krag kom juis tot volle werking
wanneer jy swak is.
2 Korintiers 12:9

Wednesday, December 3, 2008

Een jaar oud

Vandag presies een jaar terug het ek my eerste inskrywing hier gemaak.
Op my blog was dit vir my n goeie jaar, ek het nuwe mense en plekke leer ken.


My eerste blog toekenning ontvang.





En ver bo my verwagting....nog een.

Aan almal wat saam met my hier gekuier het, baie dankie.

Tuesday, December 2, 2008

Marius


Veels Geluk! Vandag is jou verjaarsdag.
Mag die nuwe lewensjaar vir jou groot en mooi dinge inhou my kind.


Dierbare Hemelse Vader
Baie dankie dat U Marius 28jaar vir my gespaar het.

Dat U hom bewaar het en vir al U seen en genade in sy lewe

Vader baie dankie dat U hom liefhet, en dat hy vir U ken en U liefhet.

Dankie Vader dat U in hom gesit het n hart vir ander

Dankie O Heer dat hy oral waar hy gaan n verskil maak

Baie Dankie Vader dat ek deur hierdie kind deel kan he aan die wonder van die liefde tussen n ma en kind

Hou hom asseblief veilig in die holte van U hand in hierdie nuwe lewensjaar van hom

Amen

Ek vra nie vir jou die dieper betekenis van die kanarie se lied of die sonsopkoms op n mistige more nie. Vir my is dit genoeg dat dit daar is, dat dit pragtig is, en dat jy Hom wat dit gemaak het jou Vader mag noem!

Friday, November 28, 2008

Waarsonder kan ek klaarkom?

Op sy weg oor die markplein van Athene, waar elke moontlike besitting en luuksheid wat die mense van sy dag kon begeer, uitgestal was, het die wysgeer Sokrates (469-399vC) peinsend gese: "Kyk net waarsonder kan n mens alles klaarkom!"

Om met die ingesteldheid van: "Waarsonder kan ek klaarkom" te leef, vra waarskynlik eerstens vir n lewe van dankbaarheid - vir wat ek het en wat ek deur die GENADE is.
Dankbaarheid is n keuse. Wat jy het of wie jy is, bring nie geluk nie. Dit is wat jy dink wat jou gelukkig maak! Dit glo ek vas!

Thursday, November 27, 2008

Omgee

Omgee is om saam te wees, saam te huil, saam te ly, saam te voel met ander!
Omgee is meegevoel, genade, ontferming.
Dit is die wete dat my broer en suster, net so menslik, sterflik, kwesbaar soos ek is.
Die ou lewe is vol pyn, hartseer en eensaamheid.
Ons wonder daagliks wat ons kan doen omtrent die geweldige lyding om ons!
Iets wat ons almal wel kan doen is...
OMGEE!

Tuesday, November 25, 2008

Hou jou ou tang!

Snaaks hoe mense altyd deur die eeue heen geneig is om stories te vertel om n vuurtjie.
Sit ons so n tydjie gelede by my jare lange vriendin van die plaas om n vuurtjie en vleis braai; toe die stories begin...
Kort voor lank het die manne die storie-vertellery oorgevat en elkeen het n verhaal van hoe hulle motor met hulle op die snaakste plekke gaan staan het...
Vertel een van die bure van n verhaaltjie wat sy oupa graag vertel het...

Sy oupa, so vertel hy - het jare gelede teenspoed met sy motor in die Karoo opgetel, stap toe na n nabygelee plaashuis om n tang te leen. Dit was n ongelee, lomerige middaguur en hy het gereken dat die plaasboer aan hom sou vra: "My magtie, kerel, wat kom foeter jy die tyd van die dag hier aan as ek n bietjie skuinsle"? Dan sou hy antwoord: Ek kan nie help nie Meneer,my motor het my in die steek gelaat. Dan sou die plaasboer uitvaar: Nou vir wat ry jy dan met n motor wat jy nie kan vertrou nie? En dan sou hy antwoord: Meneer, ek het my motor laat nasien, maar...
Teen die tyd toe sy oupa by die plaashuis aankom, was hy letterlik en figuurlik goed warm. Toe hy aanklop en n fris, vriendelike boer die voordeur oopmaak, snou sy oupa hom toe:
Hou jou vervlakste ou tang!

Ek reken die sielkundiges noem dit projeksie. Jy dig jou eie gevoelens aan n ander persoon toe.
Hoeveel van ons daaglikse rusies, misverstande en ongelukkighede spruit voort uit projeksie?
Dalk was die buurvrou nie vir my vies, toe sy vanoggend so onvriendelik gelyk het nie-dalk het sy en haar man rusie gehad, of hoofpyn.
Dalk was die nors verkoopsdame maar net voetseer na n dag se staan.
En dalk... is ek sommer buitendien hopeloos te sensetief!

Thursday, November 20, 2008

Ma se nuwe tydskrif

Omdat niemand die afgelope paar maande kan tred hou met n adres vir ons nie, ontvang ek gister n uitnodiging na willempie se troue per e-pos.
Hierdie verhaaltjie is so 15jaar gelede aan my vertel deur willempie se ma; ons het saam gewerk en hierdie verhaaltjie bring na al die jare steeds n lekker lag vir my...

Ma, se Lena se seuntjie: Ek het gelees dat getroude mense min seks moet he. Het Mamma en Pappa min of baie seks in julle huwelik?
Byna laat Lena die duur pastaskottel val.
In watter boek staan daar sulke dinge? vra sy met n wurgstem...

In ma se tydskrif: die nuwe een. Hy vat toe ook sommer vlam. Hulle se dis veral mans wat probleme met seks het. Het pappa probleme daarmee ma?
Lena vergeet skoon van die broodplank wat onder die warm pastaskottel moet kom, en plak die warm skottel net so op die kamma hout werksoppervlak neer!
Ek dink nie dat seuntjies van jou ouderdom sulke artikels moet lees nie, se Lena
Hoekom nie?
D-dit besoedel julle gees. Dit maak julle vroeg ryp, vroeg vrot.
Maar ek hou daarvan om sulke goed te weet - se die kind.
Mamma moet asseblief met Pappa daaroor praat. Hulle se te veels seks kan maak dat mans hartaanvalle kry.
Ek dink ek kry sommer nou een se Lena: Bring daardie tydskrif hier. Ek kan nie glo dat enige redakteur so onverantwoordelik kan wees om die soort goed in n sogenaamde gesinstydskrif te plaas nie!

Ek gaan probeer om sonder seks te lewe se die kind met die wegstap. As seks my my lewe gaan kos, gaan ek veg daarteen.! Hy klief die gespanne atmosfeer en die boontjiesopdik lug met sy linkerhantjie en gee n sprong in die Oosterse selfverdedigingsidioom.
Brrringgg daardie tttydskrifff verloor Lena haar selfbeheersing!

Hy kom al slaplyf-slenterend terug. hierso ma se hy en hou die tydskrif na haar toe uit... Kyk net hoe n wrak lyk daardie man op die foto!
Die opskrif, vertel Lena my was:
Pasop! Stres is skadelik vir die huwelik!

Elke donker uur het darem sy silwer nabetragting het sy by wyse van afsluiting gese.
Gelukkig het hierdie insidentjie tussen my en Willempie plaasgevind... en nie tussen Grootwillem en Willempie nie.
Grootwillem is mos nie een vir sekspraatjies nie!

Monday, November 17, 2008

Het jy geweet?

Het jy geweet van die volgende wonderwerke van God se skepping?

* Die kolibrie se eiers is kleiner as die uitveer aan die agterkant van n potlood.
Sy nes is skaars groter as n malvalekker. Sy delikate vlerke bestaan uit een gewrig wat vrylik beweeg en is dus styf. Hy kan sy vlerke agtertoe trek om boontoe en ondertoe te vlieg, sowel as vorentoe en agtertoe. Sy klein vlerkies kan 35 keer per sekonde klap.

* Die mossie is net sewe en n half sentimeter lank. Hy sing permanent. Sy lieflike sang kan gehoor word self as die dag op sy warmste is. Hy bemeester liedere wat hy op n jong onderdom by sy ouers geleer het. Die jong voeltjie weet van hulle geboorte af dat hulle hul ouers moet volg. Hulle gene stel hulle in staat om altyd die heel belangrikste klank te herken: die roep van hulle ouers.

* Die takbok moet tot die einde van die bos stap om kos te kry, want dit is daar waar meer sonlig die regte plante laat groei. Om hom te beskerm het God die takbok geskape met vier kamers in sy maag. Op hierdie wyse kan hy net so vinnig eet as wat hy kan sluk, en so die eerste kamer volmaak. Later, in n veilige gebied, kan hy dan rustig kou en nou drie keer herkou, sodat elke laaste bietjie voedingswaarde gebruik word.

*n Blouwalvis ontstaan in sy ma se baarmoeder as n klein eiertjie. Kort na sy geboorte groei hy so dat hy byna 30 000 kilogram weeg. Sy daaglikse dieet bestaan uit ongeveer 4000 kilogram see-versnapperings. As hy nie in gevangeniskap is nie, swem die blouwalvis gemiddeld 160 kilometer per dag. Hy kan tot 30meter lank word en meer as 150ton weeg.

*n Berg is groter as miljoene der miljoene walvisse. Al ons berge saam is maar n klein kolletjie op die aarde. Die son is 100 miljoen keer groter as die aarde. Al is dit ongeveer 155 miljoen kilometer van ons af, kan die son ons steeds brand. Daar is sterre wat miljoene kere groter is as die aarde. Duisende miljoene van daardie sterre vorm deel van die ultra-groot, magtige, kolkende melkweg. Biljoene sulke sterrestelsels vorm die heelal.

God is groter en magtiger as al hierdie dinge. Hy het dit geskep met perfekte tydsberekening en sinkronisasie. Hy waak nie net oor hierdie uitgestrekte skepping nie, Hy waak ook oor elke een van ons.

Friday, November 14, 2008

vrou


Wat jy ookal vir n vrou gee... sy gaan dit vermeenigvuldig; meermaak;groter maak..


*As jy vir haar sperm gee - gaan sy vir jou n baba gee

*As jy vir haar n huis gee - gaan sy vir jou n tuiste gee

*As jy vir haar kruideniersware gee- gaan sy vir jou n maaltyd gee

*As jy vir haar n glimlag gee - gaan sy vir jou haar hart gee


Sy verbeter; sy vergroot; sy maak meer...


SO ASSEBLIEF... MOET HAAR NIE MOEILIKHEID GEE NIE!

Tuesday, November 11, 2008

Heup - Heup - Hoera

Hierdie verhaal gaan oor die oom se ouboet, hulle is net die twee kinders en baie na aan mekaar. Ek se altyd; die oom het net een HERO en dit is sy ouboet!
Omdat ons troetelnaam vir hom "Oom Petrus" is, sal ek so na hom verwys in hierdie verhaal.

Oom Petrus se verhaal, of liewer hierdie verhaal begin by die twee motorbotsings wat Oom Petrus kort op mekaar gehad het so bietjie meer as n jaar gelede...
Altwee hierdie insidente was baie onverwags en van agter af, dus kon Oom Petrus nie veel doen om dit te vermy nie...
Eerste botsing gebeur by die tolhek, waar n bus alles wat voor is verder vorentoe skuif... Genadiglik is nie Oom Petrus of een van sy drie passasiers ernstigbeseer in hierdie voorval nie, (of altans so het ons gedink)
Die tweede botsing vind plaas by n drie rigting stop waar die ander motoris op daardie saterdag middag lus voel vir stampkarre ry en vir Oom Petrus en skoonsus skoon uit hulle sitplekke uit stamp van agter af... weer se ons dankie, geen ernstige beserings nie...

Kort hierna begin Oom Petrus se pyn...In sy heup... Dokters kyk na sy rug maar kry niks wat hierdie soort van intense pyn kan veroorsaak nie. Is Oom Petrus nou nie juis van die kleinserige soort nie, en toe hy se hierdie pyn is erg, toe weet ons almal: DIT IS SEER!
En so loop Oom Petrus vir n jaar met hierdie pyn...
Baie dae kon ek sien; die man "suffer"
Dapper stap hy voort, doen sy normale ding; verhuis selfs twee keer, help tussenin nog vir kleinboet verhuis en toe moet hy nog help om seun en skoondogter ook te vehuis na swaziland.
En ek kom meer en meer agter hoekom hierdie man sy kleinboet se HERO is...
Maar ons wat hom ken kan sien: NIKS IS REGTIG MEER LEKKER NIE, DIE PYN OORHEERS SOMS SY HELLE DAG!
Intussen probeer Oom Petrus talle opsies:
*Gewigsverlies
*Loophulp met n kruk
*Medikasie... en nog Medikasie

Einde ten laaste sien Oom Petrus een van die groot manne in die stad wat spesialiseer in heupe.
Heupvervanging - dit is die allerlaaste uitweg, maar Oom Petrus stry nie eers nie want nie eers die daaglikse pyninspuitings bring nou meer veel verligting nie. En so word die operasie bespreek en talle toetse ter voorbereiding gedoen...

Heupvervanging word gedoen wanneer gewrigsiektes soos osteo-artritis of beensiektes soos afsterwing van beenweefsel weens n gebrek aan bloed by mense voorkom. Die heup is n holbolgewrig, as daar n gebrek aan is kan die dybeen se kop doodgaan en verkrummel.

Die prostese wat hulle gebruik by n heupvervanging bestaan uit twee dele. Om die prostese in te plant word die dybeen se kop afgesaag en n prostese in die murg van die been ingesit, die tweede deel, die bakkie, word dan bo-op gesit.
Die prostese kan of aan die ligaam vas gesement word - of - sementloos - die liggaam groei aan die prostese vas.
Verskillende soorte prosteses kan gebruik word, afhangende van die probleem en die persoon se ouderdom. Metaal soos titanium of kobalt-chroom, keramiek of n soort plastiek kan gebruik word. Sjirurge maak gebruik van x-straal plate om n prostese vir die spesefieke persoon te maak. Beplanning van die operasie word so akkuraat as moontlik gedoen.

Oom Petrus is nou drie weke gelede geopereer en doen wonderlik goed. (op hierdie punt wil ek net graag noem dat hy met baie liefde en geduld tuis deur skoonsus versorg word) Hy loop nog met krukke, maar dit is net vir veiligheid. Oom Petrus vertel dat die versil voor en na die operasie-hoe die pyn verdwyn- ongelooflik is...
Dit is n groot operasie en duur tussen n uur en twee uur 20minute. Die nasorg by hierdie operasie is baie baie belangrik en die sukses van hierdie operasie hang grootliks hiervan af.
Na die operasie was Oom Petrus sowat n week in die hospitaal en het hy fisioterapie ontvang. Die eerste ses weke is krities. Hy moet dan pal met twee krukke loop, en Oom Petrus mag nie...
*Sy bene by sy kniee kruis vir +- 8weke nie
*Sy knie hoer as sy heup lig nie
*Vooroor leun terwyl hy sit of gaan sit nie
*Meer as 90 grade by sy middel buig nie
*Op enige van sy sye slaap nie
Daar is ook altyd in hierdie tydperk die gevaar van diepaartrombose (voorkomend dra Oom Petrus spesiale kouse en moet skoonsus hom daagliks inspuit) infeksie of sepsis.
Maar die goeie nuus is dat daar tans n 99% suskessyfer op hierdie operasie is

Oom Petrus; ons almal se saam met jou HEUP - HEUP - HOERA!!!

Filippense 4:19-20
En my God sal in elke behoefte van julle ryklik voorsien...

Hemelse Vader, ek loof U dat U so ryklik in elkeen van ons fisieke en geestelike behoeftes voorsien, dat daar heeltemal niks is wat ons kortkom nie. Baie dankie vir die omvang van U genade in ons lewens.
Amen

Sunday, November 9, 2008

Die Duif

Sit ek vroegmore met sonsopkoms op ons balkonnetjie (piepklein maar darem) en uitstaar oor die ander mense se agter plase. Ek kyk nie na iets in die besonder nie, meer na die prentjies wat my geheue optower.

Skielik merk ek tog iets wat my aandag trek. Op die telefoondraad wat oor een van die huise se grens loop, sit daar n duif met n takkie in sy bek...
Dadekik dink ek, broeis moet hierdie duif beslis wees, want die enigste verskoning vir n takkie in sy bek is om n nes te bou. Nie dat n duif juis iets weet van nesbou nie. Hy pak sommer net n paar takkies hier en daar in n mik van n boom en verbeel hom dan hy het n nes. Geen wonder dat so baie duifeiers op die grond beland nie!

Ek merk dat die duif vir n lang ruk op die telefoondraad sit met die takkie in sy bek. Hy besin seker eers ernstig oor die nesbouery, of dalk hou hy eers die geelvinke dop, wat in n palmboom ook besig is met nesbou, om te sien of hy iets van hulle kan leer - net soos mense dink ek - altyd besig om by ander of in n tydskrif idees te kry van mooi huisbou!
Maar anders as die vinke wat knaend kan aanhou vleg en uitrafel, neem dit hom net sewe sekondes (het getel) om sy takkie op die regte plek neer te sit.

Gelukkig is n duifma nie jaloers of afgunstig nie. Maak nie saak hoe mooi of deftig haar vinkbure se nessies is nie, sy sal nooit soos n vinkwyfie haar nes kom uitmekaarpluk nadat dit moeisaam aanmekaargeplak is nie.

Dink ek so by myself; is die mens nie maar ook - of n duif- of n vink nie. Kan ek nie maar by die duif iets leer vanoggend nie, die duif mors nie tyd nie, en is nie afgunstig nie... "LIVING UP TO THE JONSE'S" is nie vir hom nie!

So pluk ek nou al vir twee weke my nuwe nes uitmekaar, skuif hier iets weer reg, hang daar weer iets anders....

Saturday, October 25, 2008

Moeg

Ons verhuis weer...
Die vierde keer in vyf maande!
Weer na ander dorp...
vreemde dorp, vreemde mense, vreemde paaie, vreemde winkels!

...eintlik is ek seker veronderstel om bly en dankbaar te wees, vir die geleentheid om weer n inkomste te he, en ek is, glo my, ek is...
ek gun hom hierdie geleentheid, ek gryp dit saam met hom...

MAAR... EK IS MOEG...
moeg geveg
moeg om hard te werk
moeg om hierdie lewens game te speel
moeg voorgegee!

ek is moeg, meer as ooit tevore
moeg vir reg en verkeerd
moeg vir waarheid en leuens
moeg vir opstaan en aangaan
MOEG

Here, ek is beseer, ek kan nie nou verder speel nie,
ek wil nie nou verder speel nie...

Ek is moeg en jy moet verstaan, en as jy nie wil verstaan nie kan jy maar net verbystap, want ek is moeg "ge-fight" ek het nie meer guts en charme oor nie, ek het niks oor nie!

Friday, October 17, 2008

Die Boodskap

Ek het hierdie e-pos van n vriend ontvang en dit het my so diep geraak dat ek dit graag met almal wat hier lees wil deel.
Die e-pos gaan oor n boodskap van George Carlin, n komediant van die 70's en 80's. Hy het dit geskryf nadat sy vrou gesterf het.
n Boodskap van George Carlin:

Die ironie van ons tyd is:
Ons spandeer meer, maar besit minder.
Ons koop meer, maar geniet minder.
Ons het groter huise, maar kleiner gesinne.
Ons het meer geriewe, maar minder tyd.
Ons het meer grade, maar minder kennis en oordeel.
Ons het meer medisyne, maar minder gesondheid.

Ons drink te veel, rook te veel, is te spandabelrig, lag te min, ry te vinnig, word te gou kwaad, bly te laat wakker, staan te moeg op, lees te min, kyk te veel tv, en bid baie selde.

Ons besittings word meer, maar ons waardes minder.
Ons praat te veel, gee te min liefde, en haat te maklik.
Ons het geleer hoe om n lewe te maak, maar nie hoe om te lewe nie.
Ons tel jare by ons lewe, in plaas van lewe by ons jare.
Ons is al die pad maan toe en terug, maar het moeite om oor die pad te stap en die nuwe bure te verwelkom.
Ons doen groter dinge, maar nie beter dinge nie.
Ons skryf meer, maar leer minder.
Ons beplan meer, maar bereik minder.
Ons het geleer om te jaag, maar nie om te wag.

Hierdie is die tyd van kitskosse en slegte spysverteering
Groot mense maar klein karakters
Stewige profyte, maar slegte verhoudings.
Groter inkomste, maar meer egskeidings.

Hierdie is die tyd van baie in die vertoonkamer, maar niks in die voorraadkamer!

Onthou om meer tyd te spandeer met jou geliefdes, want hulle gaan nie vir ewig by ons wees nie.
Onthou om die een langs jou n warm drukkie te gee, dit kos nie n sent.
Onthou om meer dikwels te se: Ek is lief vir jou, maar meer belangrik om dit te bedoel, n warm drukkie streel ander se seer wanneer dit opreg bedoel is.
Onthou om hande te vat en onthou oomblikke te maak vir die verlang dae wat mag kom.
Maak tyd om lief te he, maak tyd om kosbarhede te deel.

Moet nooit vergeet:
" LIFE IS NOT MEASURED BY THE NUMBER OF BREATHS WE TAKE, BUT BY THE MOMENTS THAT TAKE OUR BREATH AWAY "

Sunday, October 12, 2008

Rose


Op hierdie helder Oktoberdag het ek Rose in my huis...

Ons hetmos maar almal n gunsteling iets...

Van my kinderdae af was rose my gunsteling blom, seker maar omdat rose die heel eerste blomme was waarvan ek bewus geword het!


Die behoefte aan iets moois, glo ek, le diep in elke mens se lewe verborge. Daarom soek elkeen maar op sy eie manier na n brokkie skoonheid wat lig en warmte oor die vaal kolle in sy lewe kan versprei.

Daarom, na my mening, het die roos reg op bestaan!


Vandag is dit moeilik, dikwels onmoontlik om die beginsel van die skoonheid in die lewe raak te sien. Die beeld van die wereld waarmee ons saamleef, is grootliks uit geweld en vrees en aggressie opgebou. Maar dit beteken nie dat alles wat mooi is uit die lewe verdwyn het nie.


So word die rose van hierdie Oktober vir my n wonderlike troos. Ek kyk na hul sagte kleure, hul volmaaktheid van vorm en lyn. Hul geur is om my soos n belofte van iets goeds wat ek nie sal verloor nie...


More of oormore sal hierdie rose verwelk. My blombakke sal weer leeg staan en die geur van die rose sal uit die huis verdwyn...

Maar daar sal weer ander rose wees, net so mooi soos die. En hierdie wete is vandag vir my n groot vreugde...

Ten spyte van verdriet en haat en geweld ten spyte van alles wat skeef en vermink en lelik is - sal daar altyd weer rose wees...

Tuesday, October 7, 2008

Kosmos


Kosmos is genade blomme.

Jy saai hulle nie.

Jy plant hulle nie.

Jy gee hulle nie water nie.

Maar as jy op n mooi dag weer kyk,

staan hulle langs die pad...


So kom n ou seuntjie met skurwe hantjies vandag by my met n bossie deurmekaar blommetjies...

Hierso tannie, vir jou se hy met sy haasbekkie.

En besef ek weer opnuut...

Om liefde te gee KOSMOS niks!





Monday, October 6, 2008

Haar rustige manier

Bel ouma Jane my vanmiddag uit die Baai uit, Ouma Jane is nou nie eintlik n bel mens nie, sien sy glo nog aan briewe skryf, en moes ek baie van haar briewe vir haar gaan pos toe ons nog bure in die stad was.
Ouma Jane is al diep in die tagtigs en het in Maart vanjaar besluit om te gaan "aftree" by haar seun in die Baai.

Ouma Jane het nog altyd n kalmerende uitwerking op mense om haar. Dt is nie iets spesifieks waarop mens jou vinger kan le nie, maar dit is daar. Dit vergestalt in n glimlag, n grappie of die blote daar wees vir iemand om lief te he en self geliefd te voel. Amper almal wat haar ken, voel dit aan.
Dalk is dit omdat ek haar gesiedenis ken. Dit herinner my dat die probleme wat ons in hierdie dol wereld ervaar, nie nuut is nie. Mense het deur die eeue nog oorleef.
Haar oe vonkel altyd. Sy luister, en luister dan nog. Bowenal verstaan sy!
Ouma Jane lag baie...
Haar vrolikheid herinner my altyd "Dinge sal uitwerk-jy sal sien"
Sy sal jou n koppie tee in die hand stop, en vir jou lieflike stories vertel wat jou sal bemoedig
Ek is so dankbaar vir Ouma Jane en haar kalm rustige geaardheid!
Haar liefde vou om my soos n warm kombers en laat my veilig voel.

Is haar troos woorde dan ook aan my vanmiddag...
Ou kind- ek is so jammer dat jy nou deur moeilike tye gaan. Weet net ek is daar vir jou en ek bid vir jou!

Wednesday, October 1, 2008

Oktober

Dit is die maand Oktober,
die mooiste, mooiste maand!
Dan is die dag so helder,
so groen is elke aand.
So blou en sonder wolke
die hemel heerlik bo,
So blomtuin vol van kleure die asvaal ou Karoo.

Wat gee ek om die winter?
Wat praat jy nou van Mei?
Wat skeel dit as ons later weer donker dae kry?
Ek is nou in Oktober
die mooiste mooiste maand,
Met elke dag so helder,
so pragtig elke aand!

So praat C. Louis Leipoldt, en saam met hom juig ons harte;
JA n duisend maal JA vir die heerlike somerdae vol uitbundigheid en vreugde.
So wil ons ook ons dae ervaar, elke dag met afwagtig sien oopbreek en asem ophou vir al die wonderlike dinge wat dit mag inhou.
Ons wil oorvloedig lewe, elke dag ten volle ervaar, elke oomblik soos n lemoen uitsuig todat dit dolleeg is!

Ons wil ons harte oopmaak en die volheid daarvan deel met iemand wat dit nodig het.
Maar ons wil tog ook fyn trap, laag buk en grondlangs ruik om niks van die byna verborge dingetjies onder ons voete te vertrap nie!

Ons wil hierdie mooiste, mooiste maand ons s'n maak en die geurige herinneringe diep binne-in ons troetel om dit weer uit te haal en krag daaruit te put in die dae wat vorentoe mag wag.

Monday, September 29, 2008

Hoe

Hoe kan ek ooit die vergewe wat my herhaaldelik sleg behandel? Weet hulle dan nie dat hulle my seermaak nie? Gee hulle nie om nie?
Ek probeer dit begryp, maar sonder sukses.
Ek is kwaad en deurmekaar!

En alhoewel hierdie dinge nie reg is nie, moet ek seker leer om ander te vergewe. Ek besef dat bitterheid my gees soos n kanker sal verteer as ek nie vergewe nie! Ek wil nie he dat woede en bitterheid ooit weer my lewe moet oorheers nie!

Die Bybel se ek moet 70 maal sewe keer vergewe. Beteken dit ek kan die kere nou maar aftel?
Seker nie ne...

Vader ek vra U om asseblief my wonde te genees.
Help my asseblief om nie wraak na te jaag nie.
Heer, ek weet ek het my bes gedoen. Ek laat alles in U hande.
Gaan U asseblief voor my uit en dek ook my agterhoede
Alles wat in die verlede gebeur het en in die toekoms gaan gebeur, laat ek in U hande oor.
Amen

Tuesday, September 23, 2008

Woorde...

Spreuke 18:21
Dood en lewe is in die mag van die tong; en elkeen wat dit graag gebruik, sal die vrug daarvan eet...

Elke woord wat uit ons monde gaan, gaan of die vrug van lewe, of die vrug van dood produseer.

Die woordeboek se dat kommunikasie is om kennis en informasie oor te dra. So wanneer jy met iemand kommunikeer, is jy besig om inligting aangaande jouself oor te dra. Jou woorde is n refleksie van jou karakter. Wat die hart van vol is, loop die mond van oor!
Jou woorde is dus die verklangking van jou gedagtes!

Hoe jy van jouself praat en van jouself dink, bepaal hoe jy van ander praat.
Te veel van ons woorde aangaande ander is afbrekend!
So loop jy 40jaar lank rond met n seer wat deur iemand anders se woorde van verwerping veroorsaak is.

*Een onsesitiewe woord kan n groot vuur aansteek wat vir jare kan brand.
*Harde kragwoorde is nie n teken van selfvertoue nie...dit is net die teenoorgestelde!
*Wanneer mense onder druk verkeer kom dit uit wat eintlik binne jou is!

Ek wonder...
Hoeveel mense se lewens is al vernietig met woorde.
Hoeveel huwelike het skipbreuk gelei deur woorde.
Hoeveel geesdrif is geblus deur woorde.
Hoeveel mense het al opgehou leef a.g.v woorde

WOORDE KAN NOOIT NOOIT TERUGGEVAT WORD NIE!

DIS NIE HOE BAIE ONS PRAAT NIE... DIS WAT ONS SE!

Thursday, September 18, 2008

Ps 23

Spesiaal aan al ons vroue, n pragtige verwerking van Ps 23

Die Here is my Herder, ek sal geen hartseer vrees nie,
Hy droog my trane, ja, ek is ewig sy dogter-kind!
Wanneer ek, as vrou, die gevoel van 'alleen' wees ervaar,
hou Sy hande myne stewig vas.
Hy vertroetel en Hy vertroos my;
met n oneindige liefde wat net Hy my kan skenk.
Wanneer familie en vriende te ver is vir net gou-n-drukkie-gee,
sal Hy gereed staan, want wie is daar wt beter van my 'vrouwees' weet?
En al gaan my lewe of verhoudings deur donker dae,
sal Hy my altyd teen Sy boesem hou en daaraan herinner:
ek is EKSTRA spesiaal,want ek,
EK IS VROU!

(MANDI KLEINHANS)

Monday, September 15, 2008

Wit armoede

Woon ek en die oom mos tot baie onlangs nog in die stad, en daar het die omvang van wit armoede my soms verstom en ander kere in trane gehad.
In die afgelope paar jaar het daar sowat 38 wit nedersettings in en om pretoria verrys.
Ek het breed hieroor gaan nalees en op my eie n bydrae probeer maak deur n skenking of twee...

Een van die swaarste tydperke in die Afrikaner se geskiedenis was sekerlik die 1930's. Armoede was wyd verspreid en daar is geraam dat meer as 300 000 wittes onder ernstige armoede gebuk gegaan het.
Die wereldwye depressie het tot in die hartjie van Suid-Afrika deurgesyfer en grootskaalse wanhoop tot gevolg gehad.
Meer as 70jaar later staar wit suid afrikaners selfs n ernstiger krisis in die gesig-een wat groot ooreenkomste met die groot depressie toon.
Hulle woon op die randjies van die samelewing, gewoonlik weggesteek uit die openbare oog. Hulle opleidingsvlakke is meestal laag, wat uiteindelik tot die armoede kringloop bydra.

"Today 430 000 whites, of a total white population of 4.5 million, are too poor to live in traditional white areas," het prof lawrence Schlemmer al drie jaar gelede aan die Mail and Guardian gese. Volgens hom word die probleem waarskynlik onderskat en is die bestaande statestieke onbetroubaar en oud.

Wit armes is mense wat hard geval het; platgeslaan deur die lewe. Praat jy met hulle, is hulle oe leeg. Daardie glinstering van menswees is nie meer daar nie. Die bietjie selftrots wat hulle miskien vroer gehad het is daarmee heen!
Kos op die tafel en n dak oor die kop is twee van die mens se mees basiese behoeftes. Tog wakker die huidige prysstygings en hoer lewenskostes asook die drastiese brandstofverhoging en die elektisiteitskrisis vrees by talle aan.

Wit armoede is waarskynlik die enigste soort armoede in die wereld wat nie polities korrek is nie en waaroor daar nie gepraat mag word nie, maar die stilte oor armoede moet verbreek word!

n Mens sou verwag dat maatskaplike besteding op wittes geleidelik sou toeneem soos armoede onder wittes toeneem, maar die teendeel is waar! Maatskaplike besteding het ook n raskleur begin kry!

Die mees onlangse navorsing wat ek onder oe gehad het toon dat byna 50% van alle Suid Afrikaners in relatiewe armoede leef!

Ons almal het n morele plig om teen armoede... ook wit armoede te veg!

Wednesday, September 10, 2008

Monday, September 8, 2008

Maar net een talent

Ek is so geneig om myself met ander te vergelyk wat meer talentvol as ek is.
So n vergelykery maak my gewoonlik of meerwaardig of bitter!
Dit het moed gekos om te erken dat ek eintlik heel gemiddeld is.
Ek het n vreeslike probleem met my skryfwerk. Ek moet nog die feit verwerk dat ek nooit n groot skrywer sal wees nie...
Wanneer ek van die groot skrywers hier in die blog wereld se werke lees, het ek elke keer so minderwaardig gevoel, dat ek gedreig het om nooit weer naby hierdie ding te kom nie!

Todat ek die saak vir myself uitgemaak het:
Daar is bitter min mense wat werklik geniaal is. Die grootste gros van ons het maar een talent gekry!
Die Engelse skrywer Madeleine L'Engle skryf in haar boek Walking on Water:
'The important thing is to recognise that our gift, no matter what the size, is indeed something given us, for which we can take no credit, but with which we may humbly serve, and, in serving, learn more wholeness, be offered woundrous newness'

Hemelse Vader,
dankie dat U nie een van U kinders oorgeslaan het toe U vir ons talente gegee het nie.
Vergewe my dat ek baiemaal ontevrede is omdat my talente nie so groot soos ander mense s'n is nie.
Dankie dat ek vandag vir die eerste keer besef dat my talent n gawe van U is waarvoor ek geen krediet mag neem nie.
Gee dat ek nooit daarop sal roem nie, maar dit altyd sal gebruik om U te dien.
Amen

Wednesday, September 3, 2008

Soos Miere

Ons lewe is op die oomblik soos miere voor die reen, ons skarrel van die een plek na die ander, van die een dorp na die ander!
Binne vier maande het ons vier keer verhuis!

Ons omstandighede het die afgelope twee maande veel te wense oorgelaat!
Die een teenspoed op die ander het ons getref!
Die oom het sy werk verloor...
Ons motor het gebreek - R3000.00 verder en ons is weer mobiel...
Ons moes verhuis na n ander dorp...
Ons motor breek weer... in die middel van n swart woonbuurt!
Ons staan langs die pad met n vrag agter die stukkende motor gehak, en die rookbolle wat oral uitborrel...
Ons is altwee stom!
Tweelingsus hou kop! Boet kom sleep ons na ons nuwe dorp!

Mens se lewe verloop gewoonlik gelykmatig todat n ramp jou uit die bloute tref.
Wanneer n mens teen n steil berghelling stap en jou voete onder jou uitgly, moet daar tog iewers n bos of tak wees om na te gryp! Dit voel vir ons, ons gryp in die lug rond...

Die helfte van ons aardse besittings is by ons in die nuwe dorp en die ander helfte is nog in die ou dorp...
Ons sit sonder vervoer...
Ek wens ek het vlerke om na n eensame nessie iewers in die woestyn te vlieg waar ek in vrede en stilte alleen kan wees!
Maar wegvlieg bied hellaas nooit n oplossing vir probleme nie! Om van jou probleme weg te vlug het dit nog nooit laat verdwyn nie!
Dit is maar die beste om stil te staan, die probleme onder oe te sien en haalbare oplossings daarvoor te probeer vind!

Ons is finansieel, geestelik en liggaamlik platgeslaan!
In die spreekkamer van die tandarts wat ek in my laerskooljare besoek het was daar n geraamde spreuk wat my al die jare nog bybly...
GOD, SKENK MY DIE KALMTE OM DIE DINGE TE AANVAAR WAT EK NIE KAN VERANDER NIE,
DIE MOED OM DIE DINGE TE VERANDER WAT EK KAN
EN DIE WYSHEID OM TE WEET WAT DIE VERSKIL IS...
Ek bly hierdie spreuk oor en oor bid die afgelope weke...

Dit voel vir my of die lewe sy "gatkant" vir my gedraai het, en daarom voel ek weer baie lus om my "gatkant" op die lewe te draai...
Maar die lewe bly kosbaar, ten spyte van die omstandighede wat ons op die vlug wil laat slaan...

Aan al die mense wat ons bygestaan het die afgelope week/twee weke...BAIE DANKIE.
My kind; dat julle spesiaal van Pretoria gekom het om ons rond te ry!
Tweelingsus en Boet; dat julle van die werk afgevat het om ons vrag verder te kom sleep!
Vriendin en Bill; vir al die lekker kos en rondry, al moes julle uit n siekbed uit opstaan om ons by te staan.
Muriel(Wippie) vir al jou e-posse wat se jy is bekommerd oor my al het jy niks van die omstandighede geweet nie... Dankie vir jou vriendskap en liefde wat jy my so onverdiend skenk!

Here Jesus,
Ek aanbid U as die outeur en gewer van kalmte en vrede.
Hier in die middel van my oorvol, onrustige, besige lewe
weet ek self nie hoe ek alles gedoen gaan kry nie
of watter dinge eerste gedoen moet word nie
want ek is so gespanne en onrustig
Help my asseblief om heeltemal stil te word by U
en al die stukkies van my lewenslegkaart voor U uit te pak
sodat U elke stukkie op sy regte plek kan inpas
Dankie vir die stilte en rustigheid wat U teenwoordigheid vir my bring
en vir U vermoe om orde in my omgekrapte wereld te skep.
Amen

Friday, August 22, 2008

Is om dood te maak die enigste moord?

Najwa Petersen, vrou van Taliep Petersen, het gister weer in die hof verskyn, rakende die skokmoord op haar man, Taliep, so effe meer as n jaar gelede! Sy is nog geensins skuldig bevind nie, en dus wil ek geheel en al nie oor haar praat nie.
Lees ek onlangs in n gewilde dagblad van nog n vrou wat in die hof verskyn het in verband met n moord op n huweliksmaat...

Nie almal het die moed om sy of haar maat te vermoor nie!
Maar wat huweliksmaats aan mekaar doen, is dikwels niks anders as moord nie!
In sekere gevalle word vroue emosioneel so verniel, dat dit eintlik erger as fisiese moord is!
Dit gaan oor die kenmerk van die post-moderne lewe, naamlik om uiters egosentries te wees!

Hierdie eienskappe speel hom af op hope terreine van die lewe. Lojaliteit tel geen punte nie.
As jy nie genoeg voordeel by jou werk trek nie, stap jy aan na die volgende. As die kerk nie spesifiek aan jou behoeftes bevredig nie, soek jy n volgende gemeente!
Jy vra nie of jy dalk iemand kan bedien nie. En net so is dit in die huwelik!
Jy vra nie wat ek kan doen om my maat te dien nie en wat ek kan insit om die huwelik te laat werk nie.
Nee, jou eie persoonlike eie-ek tel die meeste!
En met so n lewensuitkyk sal geen huwelik n kans staan om te oorleef nie!!

Monday, August 18, 2008

Satan eis ons kinders se lewens

Hoe hartseer word ek tydens die aand nuus. n Jong kind vermoor n ander nog voor skool met n swaard en verklaar doodluiters daarna dat "SATAN" vir hom gese het om dit te doen!
Die radio se middag nuus berig van twee skoolmeisies wat selfmoord pleeg en briewe los wat se hulle sterf eerder voor hulle by satanisme betrokke raak!

Dit maak my so hartseer as ek dink aan dit wat ons kinders in die gesig moet staar, veral wanneer ek dit vergelyk met my eie sorgelose kinderjare.
Ek het groot geword in in n huis waar christelike waardes by ons ingedril is. Vandag kyk sommige kinders met minagting neer op so n opset. Maar ek dank die Here vir gelowige ouers wat n groot rol in my lewe gespeel het.

Vandag se kinders/tieners gaan nie maklik verander nie.
Die belangrikste vraag wat ons egter kan vra is of ons, ons kinders genoegsaam bemagtig om die hedendaagse eise die hoof te bied.
Bestee ons genoegsame tyd aan ons kinders?
Weet ons kinders waar om troos en skuiling te soek?

Ons kinders leef in n ontsettende vyandige wereld. Dis nie net die sigbare sake soos geweld, misdaad en motorongelukke wat hulle lewens bedreig nie, maar ook onsigbare gevare soos dwelms, seksuele losbandigheid en satanisme!

Mense kom ons vat hande en ons bid ernstig vir ons kinders!

My innige simpatie aan die ouers wat vroegmore hulle kind aan die dood moes afgee. My gedagtes en gebede gaan uit na julle.

Tuesday, August 12, 2008

Om heel te bly

In die lig van vroue dag wat ons so pas gevier het, en al die debatte wat in tydskrifte en op radio stasie oor hierdie onderwerp "vrouwees" gevoer is, lug ek graag my beskeie mening hieroor!

Lees ek in n gewilde tydskrif van n nuwe teorie waarom die mans die vrouens nog voor is op letterkundige, wetenskaplike, filosofiese en ander gebiede; Algemeen word aangeneem dat mans n meerdere intelligensie en aanleg het in bepaalde rigtings, byvoorbeeld die meganiese. Ek gaan nie waag om van die geleerdes te verskil nie! Wie wil nou met n kous oor die kop huis toe gestuur word? Statestieke bly statestieke!

Omdat ek self in die huisvrou katagorie val wil ek graag vandag by hierdie susters van my stilstaan...
Want sien ons huisvrouens moes nog altyd as groep die bewys lewer dat die vrou die eweknie van die man is...
Daar is een gebied waarop die huisvrou wel presteer, en dis op filosofiese gebied. Sy mag miskien nie nuwe beskouings en denkrigtings die wereld instuur nie, maar op praktiese vlak kan selfs meesterfilosowe vir haar terugstaan!

Breek kleinboet een van haar mooiste blompotte, moet sy na n paar trane ( en n oorveeg vir boet ) filosofeer: Dis wereldsgoed! Droom sy van n nuwe somersrokkie en sus se skoene gee skielik in, moet sy maar droom van n nuwe winterspakkie!

Ook op wetenskaplike terrein waag sy haar wanneer sy moet help om motortjies te herstel of vliegtuigies te bou... of die naaimasjien lol en die strykyster raak kapot. Om nie by te voeg dat sy nog verpleegster, ekonoom, beplanner, kok, tuinier, kleremaakster en algemene weerligafleier ook moet wees nie!
Dink net... as sy haar voltyds op een van bogenoemde gebiede kon toele, watter sukses kon sy nie behaal het nie! Aangesien sy egter so n veelsydige persoonlikheid het en uiteenlopende arbeid moet verrig; haar tyd so so versplinter word; sy n wandelende woordeboek en ensiklopedie moet wees, kan daar nie van haar verwag word dat sy die gelyke van die man kan wees nie waar hy al sy tyd, kragte, onverdeelde aandag en energie kan wy aan een groot taak!
Dit le in die vrou se aard om huis skoon te maak, kos te kook, al die toutjies te trek en trooswoorde en soene uit te deel waar nodig.
Dis net nie in n man se geaardheid om sy aandag so te verdeel nie!

Wil ons ruil met die mans? Moenie glo nie! Vergeet maar van daardie roman wat jy wil skrywe suster! Bly maar worstel met die probleem om heel te bly elke dag... en alles en almal om jou heel te hou!

Sunday, August 10, 2008

Innerlike Skoonheid

Where shall you seek beauty, and how shall you find her unless she herself be your way and guide?
And how shall you speak of her except she be the weaver of your speech?

And beauty is not a need but an ecstasy.
It is not a mouth thirsting nor an emty hand stretching forth,
But rather a heart in flame and a soul enchanted.
It is not the image you would see nor the song you would hear,
But rather an image you hear though you close your eyes and a song you hear though you shut your ears.
It is not the sap within the furrowed bark, nor a wing attached to a claw,
But rather a garden for ever in bloom and a flock of angels for ever in flight.

People of Orphalese, beaty is life when life unveils her holy face.
But you are life and you are the veil.
Beauty is eternity gazing at itself in a mirror.
But you are eternity and you are the mirror.
(THE PROPHET)
Kahlil Gibran

Omdat skoonheid en sjarme n vrou se geboortereg is, wil sy graag mooi en aantreklik wees...
Die deftigste klere en duurste grimering sal egter nie n vrou beeldskoon of aantreklik maak, as skoonheid nie ook n innerlike bewustheid is nie!

Die vrou is tydloos. Haar jare mag aanstap en daar mag fyn rimpeltjies om haar oe verskyn, maar sy bly steeds vrou...
Die draer van lewe en vreugde!

Ek persoonlik glo dat elke dag van n vrou se lewe vir die volgende dag n voorbereiding is, elke jaar vir die volgende jaar!
C J Langenhoven het toentertyd gese: Twee dinge het my lewe leefbaar gemaak: die liefde wat ek gegee het en die liefde wat ek ontvang het: en dit bly ewig waar in elke vrou se lewe!

So leer ek die afgelope dertien jaar baie van innerlike skoonheid by skoonsus: leer ek by haar dat ek met n sagte woord, n vriendelike glimlag en n liefdevolle geaardheid baie meer kan vermag as met harde woorde en stuursheid...
Liefde is die stutkrag agter hierdie vrou se goeie invloed op haar huisgenote en ander mense. Haar uiterlike aantreklikheid en innerlike skoonheid stel haar in staat om haar eie lewe met selfvertoue aan te pak en om die lewens te verryk van almal met wie sy in aanraking kom...

Dankie skoonsus, dat jy die afgelope dertien jaar waarlik nog net in waarde toegevoeg het in my lewe!

Saturday, August 2, 2008

Pyn...wins of verlies

I walked a mile with pleasure,
she chattered all the way,
But left me none the wiser
for all she had to say.
I walked a mile with sorrow,
and ne'er a word said she,
But, oh, the things I learned from her
when sorrow walked with me!

Elkeen wat al WERKLIK geleef het, ken pyn.
Niemand kan pyn ooit heeltemal ontduik nie, dit maak deel uit van ons daaglikse bestaan...
Pyn gaan gewoonlik gepaard met verlies;...
* van n dierbare deur die dood
* van gesondheid
* van n egskeiding
* van ekonomiese sekuriteit
* van n plek in die gemeenskap
Al hierdie verliese gaan gepaard met eensaamheid.
En daarmee saam soms ook angs, selfverwyt, skuldgevoelens en selfs woede...

Maar een ding wat elkeen van ons moet weet is dat pyn en verlies, onteenseglik groei en rypwording meebring!
Daar is eienskappe wat alleenlik met hartseer gekoop kan word!
* n nuwe sin vir waardes
* nuwe prioriteite
* die wete dat elke dag kosbaar is - maak die beste daarvan!

In die woorde van Thomas Wilder:
' In loves's service only the wounded soldiers can serve'!

In my eie lewe het elke verlies, terugslag, pyn of lyding n nuwe bewuswording van my eie reserwes meegebring. En het ek n begrip ontwikkel hoe om hierdie reserwes tot my groter voordeel te ontwikkel...
het ek dit bemeester dat die allerdaagse frustrasies nie meer die mag het om die oorhand te kry nie...

En was God my nog altyd genadig, Hy begryp my pyn!

Thursday, July 31, 2008

Krisissituasie

Hemelse Vader,
dis so donker en uitsigloos hier in my grot
ek is sielsmoedeloos en daar is glad geen uitkomkans nie
Boonop voel dit vir my asof U my vergeet het.
Praat asseblief met my
sodat ek kan weet dat U in hierdie donker uur van vannag by my is
dat U n spesiale boodskap vir my het en hierdie grot-ervaring wil gebruik om my te vorm
en om U eie krag in my lewe te ontplooi.
Baie dankie dat ek hier in my grot met U kan praat
dat ek vir U presies kan vertel hoe ek voel
dat ek maar mag kla omdat U reeds
elkeen van my depressiewe gedagtes ken.
Vader, leer my weer dat U my nooit sal verlaat nie
dat U by my is wanneer ek in die donker is
en dat U altyd weer vir my sal kom lig maak
met U liefde en U teenwoordigheid.
AMEN

Monday, July 21, 2008

Mag

n Klein woordjie... met n enorme groot betekenis!
Mag; die een ding waarna sekerlik elke mens soek;...
mag oor iets, mag oor iemand, en die mag om jou eie omstandighede te verander...

Die hungkering of begeerte na mag en veral mag wat jy op ander kan uitoefen, is na my mening n soort geestelike siekte, n soort steurnis... en val vir my in dieselfde katagorie as moord, roof, diefstal en uitbuiting!
Bogenoemde is almal menslike dade ofskoon hulle almal simptome is van die misbruik van mag!
Is dit nie opvallend hoeveel keer korrupsie en mag hand aan hand gaan nie?

Hoe maklik is dit nie om mag te misbruik nie. Let veral op hoeveel mense daagliks diktatorale mag toepas... want deur dit te doen hou hulle almal onder hulle 'in toom'. So n persoon gebruik sy mag uitsluitlik om ander mense te verkleineer...

My mening van mag is om dit as n skeppende krag te sien, want dit is wat ware mag beteken in die volste sin van die woord.
Voordat jy mag gaan soek, of mag afdwing, moet jy in staat wees om dit te hanteer!

Snaaks dat mense soms bereid is om te waag in hulle strewe na die mag wat hulle voel hulle toekom.
Die vermoe om te waag, gaan hand aan hand met die drang om mag...
Maar om te waag behels ook n groot mate van verantwoordelikheid! As jy n kans waag moet jy bereid wees om die gevolge te dra!
Om jou betrekking summier op te se vir n ander een is dalk nie die aangewese ding om te doen nie... En as jy jou geld iewers bele, moet jy besef dat jy die risiko loop om alles te verloor...

Eerlike kennis van jouself - wie en wat jy is en wat jy wil wees - dit is die eerste stap tot mag en jy!

Tuesday, July 15, 2008

n Handvol Wense

Omdat my gemoed die laaste tyd nie is soos wat ek graag wil wees nie, lees ek opbouend. So lees ek vroegmore nadat die oom weg is werk toe nie my gebruiklike dagstukkie nie, maar gryp na n boek deur Madelein van Biljon getiteld 'Mevrou jy's lastig'
In die skets gee Madelein op haar kenmerkende, spitsvondige manier n paar wenwense vir vrouens, omdat ons 'so uit ons pad gaan om moeilikheid te soek en ons lewe te bemoeilik!'...

*Mag ons die verstand gegee word om te weet wanneer om ons monde te snoer, en mag die gawe gepaard gaan met die vermoe om stil te bly sonder om dikbek te lyk daaroor.
*Mag ons bewaar word van kwaadwillige skinder. Behoede ons ook van die skielike kwaadword; die hand wat klap voor die oog nog goed gesien het, die tong wat steek voor die oor nog goed gehoor het.
*Laat ons liewer trots wees op ons eie talente, pleks van altyd te hunker na die onbereikbare!
*Mag die gawe ons gegun word om ons eie waarde te besef.
*Mag ons gevrywaar word van jaloersie, die dodelikste van alle emosies. Dit maak alles tot niet; vriendskap, liefde, vertroue,, en nie eers lekkerkry bly oor nie.
*Gee ons die moed vir die onplesierige ook. Die moed is nodig omte beveg, om te handhaaf, om kennis te dra, nie om toegewikkel in n kokon van 'mooi' te hoop dat alles sal regkom as jy anderpad kyk nie. Kom ons kyk n slag na die lelike dinge. En kom ons doen iets om sulke dinge reg te stel.
Hierby wil ek graag n laaste wens byvoeg....
My eie wens...
Ek verlang na, ek begeer liefde. Enige soort. Van man tot vrou, van kind tot ouer, van vriend tot vriend. Want hierin le ons sekuriteit, ons vrouwees. Sonder liefde is ons niks. Mag ons liefde in n groot maat gegun word en ruim hart om dit in n groter mate terug te gee!

Wat anders kan ons hierop se as Amen-

Saturday, July 5, 2008

Kola uit n Klip

Met die huidige brandstofpryse stap ek nou deesdae na die supermark om die nodigste aanvullings te kry...

So loop ek my op die parkeerterein vas in n paartjie, wat by my verbyry met n motortjie wat klink soos iets met n "primusenjin"
Hoekom maak hy so? vra die vrou
Hy maak maar so, se die man met kalme aanvaarding van een wat weet daar is nie geld om na geluide te laat kyk nie...

In die supermark stuur ek neus-in-die-lug by Spaanse olywe, Duitse wors, Engelse marmelade en "fancy" sardientjies verby. Ek mik vir grofgemaalde mieliemeel, "geen-naam"grondboontjie botter, ongewate artappels en enigiets eetbaar en kraakvars op "special"

Ek tref die vroutjie van die kloko-kloko motortjie aan die verbruikerskant van die slaghuis afdeling aan. Sy is in gesprek met die fronsende slagter en haar nek is opvallend rooi: Die slagter probeer haar oorreed om te kies uit die groot hoeveelheid klaaropgemaakte pakkies maalvleis. Maar sy veg moedig voort: Die klaaropgemaakte pakkies is vir grypers Meneer en ek kan dit nie bekostig om te gryp en betaal nie! Sal u asseblief so gaaf wees om vir my vyftien pakkies R20.00 maer maalvleis af te weeg en op te maak... Die slagter is n man wat seker van n ordentlike stukkie vleis op sy bord hou, want hy brom iets in sy snor "Goed Dame" se hy styf. U kan solank die res van u "shopping" afhandel, u bestelling sal oor 10minute gereed wees...

Die vroutjie loop met haar trollie in myne vas... Ek moet n bloeddrukpil drink se sy ontstoke: om deesdae uit te kom met jou kruideniersware toelae, is om "kola uit n klip te tap"...
Ek maak agt frikkadelle uit R20.00 se maalvleis: twee elk vir Hans en Herman, een vir my en een elk vir die meisiekinders en nog een vir die kat, en dan staan die slagter met my en stry!
Sy wag nie eers om te hoor of ek enige kommentaar het nie en storm die groente afdeling met Hans of is dit dalk Herman agterna...

Toe ek met my twee sakkies weer deur die parkeer area stap kom hulle van agter verby gery... kloko-kloko...

Hoe meer ek oor die werklikheid van ons daaglikse bestaan nadink, hoe meer onwerklik word die werklikheid van wat vroue vermag vir my...
Is ons koppe reg aangeskroef?...
Ons dokter onsself met "Disprins" en knoffelpille teen griep en die oorgangsjare-dokter toe gaan is te duur-Ons verrek ons nekspiere in n poging om ons eie hare met die naaldwerksker te knip- met n sker en n truspiel kan jy R70.00 spaar-Ons eet aanbrandsels en skraapsels sodat die res van die gesin genoeg kry, ons trek ons broekie-kouse so aan dat die leer aan die binnebeen opklim, ons verduur bandjies wat afgly en oor die elmboog wil loop le... sodat ons kinders kan bly glimlag, sodat ons mans daardie tevrede suggie na ete kan gee...

Jy sien Meneer die slagter...
Vrou staan vir WONDERWERK... want dis gewone vroue wat buitengewone dinge doen meneer die slagter, dieselfde vrou wat rooi in die nek bly aandring op R20.00 pakkies maalvleis, staan vir die een wese op die aarde wat kola uit n klip kan haal, wat soveel glasies daaruit tap dat geeneen van die wat hulle bekertjies hou, ooit sal vermoed hoe oud haar nagrok en hoe vaal haar eens pienk pantoffels nou al is nie....

Staan vir ons regop, Mevrou-in-die-vaalblou-nagrok...
JY VERDIEN DIE APPLOUS!!!

Tuesday, July 1, 2008

In die woestyn

Gaan my dagstukkie vanoggend oor Eksodus 16;2-3...

Ek kom opnuut tot die besef dat daar selde so n onvergenoegde spul mense soos die Israeliete in die woestyn was. Hulle het die stomme Moses behoorlik laat les opse.... en ek sien myself in hierdie prentjie!

Daar is so baie ontevrede mense in die wereld wat bly kla met n witbrood onder die arm; mense soos ek, wat reken die verlede was veel beter as nou.
Dan is daar weer die wat reken dat hulle vir seker gelukkiger sal wees as hulle omstandighede net so effens sal verander; as hulle in n beter huis of buurt kon woon, n groter motor kon ry of n groter salaris kon verdien...

Besef ek vanoggend opnuut dat daar maar woestyntye in ons almal se lewens kom, ons kan hierdie tye soos die Israeliete hanteer en teen alles in opstand kom of ons kan God bly vertou. Hom opnuut leer ken, Sy nabyheid ondervind en sy genade aan jou lyf voel.

Vader,
vergewe my dat ek op die oomblik so ontevrede is met my omstandighede
dat ek soos die Israeliete in die woestyn bly kla oor dinge wat ek nie kan verander nie en aanhou teruggryp na die verlede toe dit vir my soveel beter en geriefliker was.
Leer my asseblief weer dat U by my is in my eie woestyn en dat U my nooit alleen sal laat nie maar dag vir dag saam met my sal reis en in elkeen van my behoeftes sal voorsien.
Dankie dat ek opnuut kon ontdek dat ek U, terwyl ek swaarkry op n nuwe, intieme manier kan leer ken en dat U liefde en genade juis nou vir my n groter werklikheid word as ooit tevore.
Maak my asseblief tevrede met my omstandighede.
Saam met die psalmdigter wil ek bid:
Here, my Here, hoe groot is U naam oor die hele aarde veral hier in my woestyn.
Amen

Tuesday, June 24, 2008

Comrades


Soos belowe vertel ek nou van Boet en die comrades...
Was die comrades van 15 Junie Boet se 6de wedloop!
Eerste ding wat ek hom vra is; Vertel my eerste van die pyn asseblief... maar Boet hou voet by stuk... geen pyn vir hom!

Enigste pyn wat hy ondervind het was die hitte...38 grade +...
Wegspring was om 5h30 die oggend, tweelingsus vertel dit was n belewenis! Deelnemers van reg oor die wereld, van elke kultuur, daar saam by die beginpunt, elk om sy eie 'memories' te maak wat vir altyd met hom of haar sal saamgaan.

Die Comrades is n baie uitdagende wedloop en baie geharde atlete sien nie hiervoor kans nie! Die Comrades word vooraf gegaan deur baie disiplinne, HARDE WERK, en toewyding! reg deur die jaar neem Boet deel aan verskeie wedlope, vir oefening, tydsberekening, en om sy wegspring posisie te bepaal by die Comrades. Nee kyk; hierdie een word nie verniet 'THE ULTIMATE HUMAN RACE' genoem nie!

Tweelingsus het n boodskap op haar foon gekry elke keer wanneer Boet oor een van die afsnypunte gegaan het en so kon sy tred hou met sy vordering.


Boet het baie goed gevaar tussen die wegspring en half merk, 43km en by Drummond is hy 10h44 oor die streep. By hierdie punt, vertel tweelingsus, het baie atlete opgeskop en op die busse geklim wat hulle sou neem na die eindpunt. Deels deur die hitte en deels van uitputting en dehidrasie. Tot op hierdie streep het Boet vir tweelingsus verbaas, sy moes hier vinnig haar wimpy koffie sluk om seker te maak sy is voor hom by die eindpunt!

Boet is vol lof vir die organiseerders van hierdie grootse wedloop. 48 waterpunte oor die roete, daar kon jy alles kry van water tot vaseline tot 'Deep Heat'. 50 noodbusse langs die roete, verkeie noodpersoneel. Boet reken dit is baie belangrik om genoeg te drink, te eet as dit nodig is en om na jou liggaam te luister!

Hierdie jaar was daar ook n nuwe reel by die Comrades; Niemand mag meer iemand anders dra of help as hulle nie meer self kan hardloop nie; n paar atlete verlede jaar so oorlede...

Hier teen laatmiddag daardie dag bel die oom se seun uit die stad om te hoor of ek al weet hoe dit met Boet gegaan het, is hy oor die eindstreep en is hy nog in een stuk. Almal van ons se gedagtes en gebede het hom voorwaar vergesel op hierdie dag!

Boet is oor die eindstreep om17h09. Tweelingsus se so 10minute agter Bruce... ja die einste!

Ons wil jou Gelukwens Boet... geluk omdat jy in jouself en jou drome glo!
Ja sus, dit is en bly waar... agter elke suksesvolle man... staan n toegewyde, hardwerkende vrou!

Saturday, June 21, 2008

Potlood

In die begin het die potloodmaker vir die potlood gese; "Daar is vyf dinge wat jy moet weet voordat Ek jou uitstuur in die wereld"

*Jy is in staat om groot dinge te doen, slegs as jy toelaat dat jy in Iemand se hand vasgehou word.
* Van tyd tot tyd sal jy n pynlike skerpmaak ondervind, maar dit is nodig sodat jy n beter potlood kan word.
*Jy beskik oor die vermoe om die foute wat jy maak , reg te maak.
*Jou belangrikste deel is wat binne-in jou is.
*Ongeag jou omstandighede, moet jy aanhou skryf...

Hemelse Vader,
ek loof U dat U dit vir my moontlik maak
om U potlood te mag wees!
Baie dankie vir al die kere in die verlede dat ek inspirasie direk van U gekry het
al die male wat U vir my presies die regte storie laat kry het
al die kere wat ek myself kon slyp
deur die boeke van ander skrywers te lees
en deur hulle geinspereer te word
Dankie vir U woord wat my daagliks inspireer
vir die insig en wysheid
wat n gewone mens daaruit kan put.

Ek bid dat U my sal help om altyd met groot verantwoordelikheid te skryf
sodat die woorde wat ek neerpen
uiteindelik u woorde sal wees-
woorde wat mense nader aan U sal bring.
maak my gewillig om in u hand vasgehou te word
en om aan te hou skryf, ongeag my omstandighede.
Amen.

Thursday, June 19, 2008

Renoster-of-Roos

Bel n vriendin van die stad my laataand gister... en na ons lekker gesels het gaan my gedagtes terug na haar groot vieswees vir my...

Sit ek en sy destyds en gesels oor hulle toe pasafgelope vakansie: Groot natuurmense die twee - en was die vakansie toe onder bespreking juis weer in die bosveld gewees en vertel sy vreeslik opgewonde van die dag wat hulle gaan Renosters kyk het...

Ek verstom my dat daar mense is wat douvoordag sal opstaan, ver sal ry en lank sal wag net om n renoster van naby te sien. Hoekom wil n mens n renoster sien? n Renoster is mos nie mooi of betekenisvol of besielend nie. Altans nie vir my nie... se ek ook toe vir haar dat dit my nie blyer of ryker of verstandiger sal stem om n renoster te sien nie. Hy sal my net bang maak en verveel. En buitendien sal hy NOOIT naby genoeg aan my kom dat ek hom regtig goed kan sien nie. Dus, n renoster laat my koud!

Nee wat, ek kyk liewer na n roos as na n renoster, al het ek n roos al duisend keer gesien en n renoster nog net een keer in n museum, en toe was hy nog opgestop. Lewendig hoop ek om hom nooit te sien nie. In elk geval sluit hy nie aan by my belangstelling en my persoonlikheid nie. Ek het met hom niks gemeen nie. Hy le buite my begripsfeer... soos wiskunde en skaak!

Omdat die vriendin toe nou so ontsteld en vies is oor my houding, doen ek toe destyds n bietjie navrae onder ander vriende en kenisse oor die onderwerp... sommige stem toe met my saam; ander verskil weer...

Buurvrou se ewe opgewonde dat sy graag alles sal wil sien wat daar te siene is in die lewe... haar nuuskierigheid omsluit alle dinge...
Nee se Jan, hy wil beslis nie alles sien nie, se hy hou nie daarvan om n gat in n kous te sien nie en sal nooit n voorbode wil sien nie...
Marietjie se weer sy wil nie graag oumensskoene aan n jong vrou sien nie - en daarmee weet ek, skimp sy eintlik op die paar gemaklike winterskoene wat ek toe sopas vir my gekoop het... maar wat sy baie graag wil sien se sy, is n tandarts wat by n ander tandarts moet deurloop...

Redeneer ek toe so... n mens se gees is mos nie n rommelkis waarin jy enige ding prop nie. Jy wil tog beheer uitoefen oor die dinge waarna jy kyk... en n renoster, stel ek my voor, sal n mens se gemoed so volstaan dat daar maar min plek oorbly vir n roos!

Natuurlik weet ek dat n mens die renoster maar moet aanvaar as n regmatige en noodsaaklike skakel in die skeppingsplan.
En hy het seker sy volgelinge wat weet waarom hulle hom hulde bring... Ek wil self toegee dat ek moontlik iets misloop deur nie vroeg op te staan, ver te ry en lank te wag op die verskyning van die renoster in al sy imposante onooglikheid nie.
Maar vir my in my onvolkome menslikheid is die afstand tussen die renoster en die roos nog te groot. Albei kan ek nie omvat nie; dus keer ek maar my rug op die renoster en reik selfs in die winter na die roos...

Want, so dink ek altans... om ewe ontvanklik te wees vir die renoster en die roos, dui op benydenswaardige ewewigtigheid van gees en gemoed. Dat so n ideale toestand onbereikbaar is, wil ek nie beweer nie, maar ek vermoed dat dit vir die meeste van ons maar n gedurige wik en skik sal kos om die verhouding tussen die renoster en die roos min of meer reg te hou...

Saturday, June 14, 2008

You Go

Hello my naam is Hugo (uitgespreek – You-go-)
Ek is n Yorkie en sewe maande oud.
Ek woon saam met my mense ouers in Rustenburg...
Soos julle op die foto kan sien is ek die mooiste yorkie nog!
Hier sit ek op my mense mamma se skoot.... my gunsteling plek!
My mense pappa het my vir haar gekoop toe sy baie baie siek was, en ek het dadelik op haar verlief geraak.
My mense ouers sorg baie mooi vir my.





My mense pappa laat my elke oggend saam met hom ry van die motorhuis tot by die hek en saans weer van die hek tot in die motorhuis... dit is vir my vreeslik lekker aangesien ek nie ver ente saam met hulle kan ry nie... sien ek word 'karsiek.'

Ek slaap ook vreeslik lekker saam met hulle op hulle bed, op my eie kussing, by my mense mamma se kop. Maar nou is dit so koud dat ek maar saam met hulle onder die kombers inkruip.
My mense pappa het vir my, my eie bedjie gekoop toe ek nog n baba hondjie was maar ek hou baie meer van hulle bed as my eie bed.

Ek het ook n mense hoor boetie en skoonsussie maar hulle bly baie ver... in Swaziland, op n plaas, en ek so in mensetaal dat hulle ook nou vir hulle n hondekind gekoop het.

Op die volgende foto sit ek by my mense oom; die van julle wat gereeld hierdie blog lees, sal hom ken as 'dieoom' Wanneer my mense mamma en pappa weg gaan dan kuier ek by die oom en Aunt N. Ek hou nogal van hulle ook want die oom speel lekker met my... sien ek het my eie mandjie met speelgoed, en partykeer dink ek, die oom dink regtig dit is sy speelgoed... soms moet ek bontstaan om my speelgoed by hom weg te kry.



Maar ek gee nie te veel om nie want die oom voer my altyd iets lekkers. Aunt N... dis mos nou die oom se vrou, hou weer baie daarvan om my te bad; ek hoor maar net sy se my mense mamma doen dit nie reg nie ( gmf). Ek hou nogal van Aunt N ook want sy se ek is haar maaitjie, en sy laat my ook toe om by haar en die oom op hulle bed te slaap.

Sommige dae as ek wakker word, is ek net lus vir stout wees en op sulke dae hardloop almal agter my aan want dan doen ek alles wat nie toelaatbaar is nie. My gunsteling stout wees is om ,of my mense mamma of pappa se onderklere te gaps en by die voordeur te gaan neersit... ai maar dis snaaks as almal dan agter my aanhardloop. Ek val ook graag in die swembad want dan word ek in n lekker warm handdoek toegedraai en drooggevryf. Ek hou ook vreeslik baie daarvan om my mense pappa se lip-ice of penne op te eet.
Ek dink dit is hoekom my mense mamma my geneem het vir 'puppy-training' ek het baie daarvan gehou en aan die einde van die kursus het ek n prys gewen.

Soms kan ek die mense wereld nie so lekker verstaan nie... ek het n hondemaaitjie gekry wat in die erf net langs ons woon, hy is nouwel baie groter as ek, maar nou het my mense pappa die gat wat ons so lank en hard aan gegrou het om bymekaar te kan kuier met stene toegepak... wens ek kon hom vra hoekom?
Maar die beste nog was die dag toe ons huiswerker Johanna my by die hek laat uitkom het.... was dit nou vir julle n lekker los rondhol... ek voor, Johanna, Aunt N en my mense mamma agterna... my mense pappa se altyd hy wag net vir die dag as ek smile... jammer hy het my nie daardie dag gesien nie.!, want ek het nie net ge-smile nie, ek het sommer so oopbek gelag!

Al die mense wat by my mense ouers kom hou daarvan om aan my te vat en met my te speel, tot by die diere dokter is hulle vreeslik bly om my te sien elke keer wanneer ek daar moet gaan kuier.
Ek hou ook van mense... maar my gunsteling mens bly maar my mense mamma, sy verstaan my en is baie lief vir my... al stoei ek haar vir n plek op my mense pappa se stoel smiddae as ons n uiltjie knip....

Monday, June 2, 2008

Met n ligter tred

Ek wens ek kon met n ligter tred deur die lewe gaan. Ek wens ek kon op die trippel van n glimlag lig en vlug deur die lewe loop. Ek wens ek hoef nie kwaad te word, bang te word, bedruk te word nie, want dit maak my ongelukkig om kwaad te word, dit verneder my om bang te word en dit roei my heeltemal uit om bedruk te word.
Daarom wil ek so graag met n ligter tred loop en n vrolike hart behou.

Kwaadword is my lewe lank nog vir my n probleem...
Want nooit kan ek lekker losrem kwaadword en kwaad bly nie. Die vlam van my ontstoke toorn het nog nie mooi opgelaai nie, dan voel ek al skuldig en onwaardig en bitter verdrietig. En binne n halfuur - klokslag - het ek om verskoning gevra, al het die een wat my kwaad gemaak het, my ook goeie rede gegee om kwaad te word. Dis nie soseer omdat ek die skuld vir die kwaadword by myself soek nie - nee, dis sommer omdat ek nie die spanning van n rusie kan verdra nie. En omdat ek dit nie kan aanvaar dat iemand anders vir my kwaad is nie. Daarom wil ek nou met erns die kuns van ligloop aanleer.
My verhouding met mense moenie vertroebel wees nie...

As ek my nou daarop kan toele om met n ligter tred deur die lewe te gaan, sal ek mos lag oor baie van die dinge wat my nou laat huil. Dan sal ek mos daartoe in staat wees om die spanning van enige drukte toestand te verbreek omdat ek daaroor kan lag. Dan sal ek my mos doelbewus daarop kan instel om die belangrike van die onbelangrike te onderskei en met n glimlag die grens van my eie vermoens en die van ander te erken.
Ek wens darem net dit was makliker om die filosofie van die vrolike hart aan te kweek. Dit sou ook seker makliker gewees het as die mense op die wereld mekaar makliker hul andersheid sou vergewe. Maar dit gaan swaar...

Jare gelede toe ek ook met so n aanvaarding geworstel het het my oorlede pa in sy wysheid vir my die volgende gese...
Weet jy wat, het hy in sy stil rustige stem gese; een ding het die lewe my geleer en dit is dat n mens n ander mens moet aanvaar soos hy is...

Ek weet dat ek toe meteens besef het dat dit my nogal swaar val om n mens altyd te aanvaar soos hy is, veral as dit n mens is wat ek liefhet. Daar kom tye dat ek tog so graag wil he dat hy n bietjie - net n klein bietjie - anders moet wees as wat hy is. Maar ek weet dat geen mens n ander mens regtig kan verander nie, net soos een mens nooit n ander mens met n argument kan oortuig nie.
Dit bring jou ook nerens om te bly treur omdat n ander mens so anders is as wat jy hom graag sou wou he nie.
En dit, glo ek, bring die ligter tred mee dat dit n mens in staat stel om die andersheid van ander mense makliker te aanvaar, om die verkille tussen mense te verwelkom en te wardeer as deel van van die wonderlike verskeidenheid van die lewe en die natuur wat die grootsheid van die heelal uitmaak.

As n mens met n ligter tred deur die lewe kan gaan, glo ek dat die instelling n waarborg kan wees teen die verstarring van jou gees - ook n waarborg teen die verveling waarvan die lewe so propvol is, teen die swaarwigtige, die onplesierige, die eentonige, en die swaarmoedige.
Ek glo dat n sin vir die betreklike in die lewe noodsaaklik is vir die filosofie van die vrolike hart. Ek glo dat n mens wat die kuns kan baasraak om met n ligter tred te loop deur die spanninge wat die lewe bring, deur botsende menslike verhoudinge, deur vreugde en smart, hoop en teleurstelling uiteindelik sal vind dat die ligter tred die gawe van die liefde is...

Tuesday, May 27, 2008

Voorwaarts Mars!!!

Is jy een van die rusbrigade wat glo dat ambisie en harde werk net bedoel is vir vroue wat gou oud en lelik wil lyk, wat nie in die minste belangstel in hulle voorkoms nie en buitendien deel is van n eiesoortige groepie waarin jy nie belangstel nie?
Moenie glo nie! Uitdagings en ambisie, en sommer baie hiervan, is die allerbeste regmakertjies wat jy jou kan indink. Dit is juis die Eva wat so n vol program handhaaf dat daar beswaarlik tyd is vir dinge soos onbelangrike vergaderings, skoonheidsalonne, en haarkapsters, wat die langste mooi bly, die jare trotseer met n lig in die oe en n veerkragtigheid in die stap, en lank verby die kritieke mylpaal van oumaskap nog beskou word as n werklike pragtige vrou.

Dit rym oenskynlik nie dat die vrou wat al in haar twintigerjare haar hande en breinkrag die saligheid belowe om kamtig haarself goed op te pas en te versorg, juis met die verloop van jare nie kan kers vashou vir haar energieke suster nie.
Wat agter hierdie verskynsel le, is baie moeilik definieerbaar.

Ons is in n oorlewingstryd gewikkel, ons het die inflasietydvak betree en die kanse is skraal dat hierdie moordende pas ooit weer sal verslap. Soos dinge nou gaan, moet n mens alreeds oople om by te bly, wat nog te se aan die wenkant wees. In die lig hiervan kan ons net sowel die resies voluit hardloop en allerlei vrese oor wat dit aan ons vroulikheid en voorkoms sal doen, besweer.

Dit mag miskien klink of daar te veel eise aan die ambisieuse vrou gestel word, maar dis nie waar nie. Dit gaan met ambisie soos met die drafgier. Hoe meer jy draf, hoe n groter stamina bou jy op sodat jy al hoe langer afstande kan afle sonder om moeg te word.
Presies dieselfde gebeur met die ambisieuse vrou - hoemeer sy haarself verryk en die sterkte van haar vlerke toets, hoe groter en hoer is die vlugte wat sy onderneem.
Ambisie is n doodnatuurlike instink.
Maar gedurende latere jare laat baie mense toe dat hierdie kosbare eienskap verlore gaan.

Moet my asseblief nie verkeerd verstaan nie. Met n vrou vol ambisie bedoel ek nie die uitgesoekte groepie topvroue in die sake - beroeps - akademiese - of sportlewe nie. Ek juig oor vroue wat wel daardie hoogtes bereik het, maar n ambisieuse vrou kan nie in n kategorie ingeprop word nie. Dit is sy wat immer gereed is is om n nuwe uitdaging aan te pak - op welke terrein van die lewe dit ook mag wees, om dit deur te voer en om n sukses daarvan te maak.

Om in haar geselskap te wees, is heerlik - sy vonkel, sy sprankel, sy kan nie uitgepraat raak hieroor en daaroor nie. en dit is al hierdie lewenslus wat haar jonk hou, wat haar mede Evas wat in jare veel jonger is as sy sommer dekades ouer laat lyk en klink. Hoekom? Omdat dit nie net n vrou se voorkoms is wat haar jonk hou nie, maar ook n varsheid wat haar hele wese deurstraal. En dit is weer die gevolg van die feit dat sy bevrediging put uit alles wat sy doen.

Onthou altyd - as jy ambisieus is, is jy nie soseer besig om jou loopbaan, jou vermoens, jou vakman - of kunstenaarskap, jou optrede of wat ook al te verbeter nie. Nee, veel meer is op die spel, want daaragter le jou begeerte om volkome mens te wees, om jou ten volle uit te leef!

Dus susters, kom laat ons voorwaarts Mars!!!

Sunday, May 18, 2008

Diabetes

Leer ek die siekte ken by die oom...
Dit is ook ouboet se siekte en was ook oupa Loutjie se siekte.
14jaar gelede toe my pad met die oom s'n kruis was dit vir my n vreemde siekte, n BANGMAAK siekte!

Besluit ek op so n bang dag dat ek eintlik bang is omdat ek niks weet van die siekte nie, en net daar begin ek kennis inwin oor hierdie siekte, want sien kennis is mag!
En so leer ek al die afgelope 13jaar elke dag iets nuuts oor die siekte;
Ek lees oor die siekte,
Ek vra oor die siekte,
Ek woon diabetes praaitjies by,
Ek luister na die siekte:
En steeds verstaan ek nog nie 'suikersiekte' heeltemal nie.

Die oom is tipe 1 diabeet; insulien afhangklik, en dit is n ernstiger vorm van diabetes.
Hy moet homself 2x per dag inspuit voor etes - hierdie inspuitings is lewensnoodsaaklik!, omdat sy liggaam geen insulien vervaardig nie.

Hierdie wondermiddel (insulien) is deur Dr Frederick Banting van Kanada ontdek, en word elke dag oor die wereld heen deur miljoene diabete gebruik.

WAT IS DIABETES?
Wanneer ek en jy eet, haal ons dunderm voedingstowwe uit die kos wat ons eet. Een van hierdie voedingstowwe is glukose. Glukose gee vir ons energie.
Insulien word vervaardig deur n spesiale klier naby die maag - die pankreas.
Insulien is n belangrike hormoon omdat dit help om die proses te reguleer waarmee ons liggaam kos afbreek, as energie gebruik en opberg.
By mense met diabetes vervaardig die pankreas te min of geen insulien nie. Die liggaam gebruik energie vir al sy funksies. Dus benodig ons liggame insulien!

Die oom moet daagliks sy bloedsuikervlak toets met n spesiale masjientjie, hy prik sy vinger en drup n druppel bloed op n toetsstokkie.
Normale bloedsuikervlak is tussen 4 en 8.
Die oom s'n al by 27 gedraai...

Die oom se dieet moet ook noukeurig dopgehou word. As iemand in die gesin diabetes het moet die helle gesin reg eet...
ONS ALMAL EET;
Minder vet;
Minder verwerkte koolhidrate;
Minder suiker;
Minder sout,
MAAR ONS MOET.... meer gereeld oefen!

As daar nie noukeurig na diabetes gekyk word nie hou dit inderdaad BAIE gevare en komplikasies in...
mense met diabetes is blootgestel aan verlaagde bloedsirkulasie; blindheid; hart en hartvatsiektes; nierversaking.
In uiterste gevalle kan tipe 1 diabetes lewensgevaarlik wees.
Dit is hoekom diabete altyd hulle bloedsuikervlakke so konstant moontlik moet hou!

Met hierdie kennis is suikersiekte nie meer vir my iets negatiefs nie...
Dit is wel iets waarvan ek daagliks bewus is...

Saturday, May 17, 2008

Dwarrelwind

Verander die oom toe mos so drie weke gelede ons lewens in n dwarrelwind...

Skoonsus bel hom die vrydag oggend oor n pos wat in hul dorp geadverteer word; die oom bel vir n afspraak; kry n onderhoud vir dieselfde middag; word die pos aangebied en moet die maandag al begin werk by die nuwe maatskappy...
En so verander ons lewens in n dwarrelwind...
Pak en verhuis in n naweek se tyd...
Met baie hulp van skoonsus, die oom se seun, sy lewensmaat, die nuwe maatskappy en ouboet...

n Dwarrelwind is mos n skielike wind...
Dit ruk om die hoeke van jou huis, en loer by elke oop skrefie in.
Hy kom dring hom ast ware op aan elkeen en alles wat in sy pad kom...
Hy kom krap alles deurmekaar...

Waar die dwarrelwind sy draai kom maak het, laat hy n duidelike spoor-
al is dit net deur die fyn stoflagie op my stoel voor die venster of n skewe gordyntjie wat net nou nog reg gehang het.

So is my gedagtes soms ook n regte dwarrelwind, wat speels en onverskillig die dag ingaan.
Is dit nie heerlik om party dae net te lewe soos jy wil nie? Om te doen en te dink net soos jy wil nie...
Sonder om werklik te gaan stilstaan en te diep oor een gedagte te top nie.

Sulke dae laat ek met graagte toe dat die dwarrelwind selfs my hare deurmekaarkrap, want ek weet hy is tog nie ernstig nie...
en saam dwarrel ons vorentoe!

Friday, May 2, 2008

Tolbos

Soos n Tolbos, so is ook ons lewensdae.
Ja, n warrelbos, n versamelbos!

Dis nou hierdie kant toe, dan weer daardie kant toe, dis die een oomblik in volle vaart vorentoe net om weer netnou op ons spore terug te loop.

En so ver ons gaan, waai soveel indrukke teen ons vas - te veel om op te noem, maar met die warrelgang van die jare verloor ons weer baie hiervan.
Tog was die verloop van ons dae nie vergeefs nie, want n ietsie van alles bly onherroeplik aan ons vaskleef.

Soos die tolbos vorder op sy pad, tel hy oral flenterjies hiervan en daarvan op wat stille getuienisse is van oral waar hy was.
So dra elke mens in homself n tere nagedagtenis, maar ook n litteken: gelukkige oomblikke, maar ook tye van weerlose smart of verwerping of eensaamheid.

Dit alles maak die somtotaal uit van wat ons is.
Dit spel ons menswees uit.
Hierin le ons dae opgesluit.
Die tolbos van ons lewens is al tasbare bewys wat ons het van die dinge wat verbygegaan het en wat nooit weer sal wees nie...

Tuesday, April 29, 2008

WAT?

Wat kan n mens self doen om die werking van jou gees op gesonde wee te lei?
En wat is die geheim van die mense wat, ten spyte van die onberekenbaarheid van die lewe, ten spyte van die wispelturigheid van omstandighede, tog nog gelukkig en gesonde mense bly- gesond na die die liggaam en na die gees?

Monday, April 28, 2008

Werk- straf of seen:

As ek dink aan al die moontlike faktore in die lewe wat kan mee-help om ons gelukkig of ongelukkig te maak, dan is die werk wat ons doen seker een van die belangrikste!
Want die werk wat ons doen is iets wat nooit ophou nie, ons bly bewustelik of onbewustelik daarmee besig...
Ons verdien ons leeftog deur die werk wat ons doen, ons bestee n groot deel van ons liggaamskragte en geesteskragte daaraan. Ons werk maak vir ons die verskil tussen selfstandigheid en afhangklikheid. dit kleur ons hele lewe...

Een van die jammerlikste verskynsels van ons tyd is dat die werk wat ons van dag tot dag moet doen, vir so baie mense n straf en n vloek geword het in plaas van n seen. Vir baie mense verdwyn die skeppingsvreugde en arbeidsgenot uit hulle werk. In plaas dat hulle arbeid vir hulle n lus is, bejeen hulle dit met traagheid en n gebrek aan geesdrif...

Dit is wel nie vir elkeen moontlik om die soort werk te doen waarvoor hy aanleg het of waarin hy belangstel nie. Baie soorte werk is eentonig en vervelig, en dit is n feit wat ons nie kan ontken nie. Maar nou kan ons ons ook nie van die feit losmaak dat ons, indien ons gelukkig en geestesgesond wil bly, op die een of ander manier moet probeer om bevrediging in ons werk te vind nie!

Omgewigsfaktore speel beslis hier n groot rol. Die stryd om te bestaan is swaar en die lewenskoste is abnormaal hoog. Dit beteken dat mense dikwels moeg en ondervoed is as hulle werk toe gaan. Hulle lewe in ongunstige omstandighede en werk dikwels in nog ongunstiger omstandighede.
Hierdie faktore skep n onvermoe en n onwilligheid om te werk.

Ons moet tog almal werk om te lewe. Dit is n voorreg om te kan werk en n regverdiging vir n mens se bestan. En as dit nie die geval is nie, is dit lewensnoodsaaklik om n verandering te probeer maak...

Saturday, April 12, 2008

Die stil diktator...

Besluit ek en n vriendin hierdie afgelope week ons voel ewe moeg en papgeslaan deur die gesukkel van die lewe, ons dollie ons op, verf ons lippe stopstraat rooi en gaan doen 'windowshopping' in n ou deel van die stad...
Nie een van ons eers geld vir n koppie koffie nie, maar ons gaan 'shop'!

In die oudste deel van die stad stap ons n winkeltjie binne wat stink van die geskiedenis. Net binne die ingang loop ek my byna didnis teen n dogtertjie, sy het n rooi strik in haar hare en n ballon in haar hand. Nadat ek haar weer mooi staangemaak het op haar plek, vertel die vriendelike winkelmeisie aan ons die ou dingetjie is deur die genade gespaar en sy is vanjaar 81jaar oud. Sy het haar kinderskoene nog nooit ontgroei nie...
Sy is n winkelpop!
Op die volgende hoek staan nog een en sy het n paar koue, groot, plastiek oe, ons word vertel sy is vanjaar vyftig jaar oud en haar naam is Heidi.
Sy is uitgedos volgens die jongste mode, haar vel is rosig, glad en sonder plooie. Dit tref my dat sy oor nog vyftig jaar steeds so mooi en elegant sal wees...
Haar lyf sal sy immerjeugdigheid behou en haar vel sal glansend bly, haar mond sensueel en sonder om n oog te knip, sal sy, dienswillig die uwe, voortgaan met haar taak...
Sy is n stil diktator, n winkelpop wat aan ander voorskryf wat hulle moet dra terwyl sy onverskillig deur die winkelvenster kyk, waar n ganske wereld bedags op sy tone verbytrippel.

Wie is sy? wonder ek, sy wat nooit moeg word nie. Hoeveel keer het sy die jakarandabome sien pers word? Hoeveel kersvakansies het sy al sien verbymasjeer? Wie is haar skepper? En wie is die slaaf, sy of ons? Wie hou wie gevange?
Dra ons nie die klere wat sy voorskryf nie, staan ons uit in n bondel. Sy rus in elk geval nie voordat sy ons nie almal eenders geklee het nie.
Ons luister en ons verstaan haar stil taal.
Op haar manier is sy n belangrike en selfs noodsaaklike terapie vir ons vroue. met haar voorskrifte beroof sy die psigiater sonder om n woord te se...

Op pad huistoe dink ek so by myself...
n Pop is maar n pop, hol van binne... n regte ware pop kan n mens uitken.

Die werklike probleem is eintlik-kan n mens nog n mens, n werklike mens, uitken?

Thursday, April 10, 2008

Vuur

Sit ek en die oom gisteraand om n vuurtjie om die aandkos reg te kry, want dit was ons woonbuurt se beurt om in die 'donker' te wees...

Wat is lekkerder as om n vuur te sit en in die rooiwarm gloed te staar...

Dan dink n mens mos diep en baie ver aan dit wat was- al die onvergeetlike hoogtepunte wat verby is...

So laat die vuurtongetjies wat spring en vlietend in die warm dieptes verdwyn jou gedagtes loop!
Le ons hoogtepunte in die verlede? of is daar maar diep in elke mens n hunkering en soeke na nuwe hoogtes in ons lewe?

n Vuur verander gedurig van vorm en kleur en warmte.
Soos n vuur is die mens se gemoedstoestand ook nooit dieselfde nie, soos n vuur wissel ons stemming voortdurend!

Maar dink ons ooit daaraan om soos vuur dieselfde warmte en vriendelikheid daagliks aan ander uit te straal- onvoorwaardelik en ongevraagd?
Om soos n vuur in sy verandering voortdurend vriendelikheid en toenadering te soek en te toon.
Kom raak n bietjie stil by n vuur en dink aan die warm lewenslesse wat hy ons wil leer:

Om met spontane vriendelikheid en onvoorwaardelike vriendskap steeds vir mekaar lief te wees.
Dan sal ons net soos n vuur, warmte in n koue wereld indra...